殷福生（1919年12月5號—1969年9月16號），筆名殷海光，係中華民國湖北省黃岡縣（依家黃岡市團風縣）人，係自由主義哲學家同埋評論家，亦係將自由主義思想引入臺灣嘅重要先驅之一。佢喺臺灣國民黨戒嚴時期（又叫做「臺灣白色恐怖時期」或者「國民黨政府白色恐怖時期」），因為持續批評蔣介石同埋國民黨政府，而俾政府打壓，亦因此而廣為人知。對於香港學生嚟講，佢哋認識殷福生係因為高中嘅中國語文及文化科用咗殷海光嘅《人生的意義》做範文。
