比利·海靈頓

比利·海靈頓（英文：Billy Herrington，1969年7月14號—2018年3月2號）係前美國㚻片演員，因為佢拍過嘅㚻片被Niconico網友攞嚟做惡搞視頻嘅題材而令到佢喺日本、中國大陸、香港同埋台灣嘅動漫愛好者中出嗮名。

比利·海靈頓
姓名原文	William Glen Harold Herrington
出生日	1969年7月14號
出生地	North Babylon
死亡日	2018年3月2號  （48歲）
死亡地	Palm Springs
死因	撞車
國籍	美國
母語	英文
識嘅語言	英文
職業	鹹濕演員、演員、模特兒
[改維基數據]

簡介

海靈頓1969年喺美國紐約長島出世，佢老竇係空手道教練，海靈頓細個就跟佢老竇學空手道，所以成年後身材同肌肉鍛煉得較為強壯。

海靈頓21歲嗰陣，佢老竇過咗身。比利·海靈頓索性放棄空手道；24歲嗰陣，海靈頓移居紐約城，轉向健美界發展。比利·海靈頓喺健美界發展較為成功。

海靈頓真正開始佢嘅㚻片演員生涯源於佢嘅朋友所做嘅一件事，呢位朋友將佢嘅一張裸照送到咗《花花女郎》雜誌社，呢張相令到佢得到雜誌社所評比嘅「當月真正男人」獎項同500美金。佢喺雜誌上嘅相吸引到攝影師占·法蘭茲，兩年後法拉奇為佢拍攝咗COLT日曆嘅圖片。佢無幾耐之後就為All Worlds Video拍攝㚻片，佢成為20世紀90年代最出名嘅㚻片演員之一，佢重作為嘉賓登上過美國嘅脫口騷節目嘅舞台。

2002年秋，海靈頓嘅第一個孲𤘅出世，嗰陣佢有時仍然喺美國嘅幾間同志俱樂部中表演「猛男騷」。2008年，海靈頓宣佈從㚻片界中引退，並喺佢親戚嘅一間建築公司返工。

網絡惡搞

2007年9月30號下晝，有個日本網友喺Niconico網站上傳咗一段經過刪減同處理嘅比利·海靈頓嘅㚻片片段，因為影片中海靈頓同另一位演員進行咗一段好盞鬼嘅摔跤比賽，並且喺摔跤過程中嘅動作同叫聲好怪，立即被好多Niconico網友惡搞，一時間比利·海靈頓嘅㚻片成為Niconico上好常用嘅惡搞題材。日本網友將海靈頓叫做「兄貴」（日文有大佬嘅意思）同「森の妖精」（森之妖精，因為有一片段中海靈頓喺森林入面行出嚟）。火爆嘅人氣甚至令日本玩具廠Max Factory推出咗海靈頓嘅Figma可動式人偶模型。

日本網民嘅追捧令到海靈頓好驚訝，2008年12月2號Niconico大會嗰日，Niconico組委會收到署名為「比利·海靈頓」嘅人送嚟嘅一紥花，組委會重以為呢個只係一個惡作劇，但後來證實呢紥花係海靈頓本人所定送。2009年2月2號，Niconico宣佈海靈頓會喺2009年2月14號嚟日本，令日本海靈頓嘅動漫擁躉好興奮。2009年2月14號，海靈頓喺秋葉原同佢嘅擁躉見面。

2012年12月30號同2013年1月1號，比利·海靈頓喺廣州同上海舉行見面會，同佢嘅擁躉互動。

2014年7月26號，比利·海靈頓出席山東東營嘅「蘆月祭2」動漫展，喺黃河口會展中心同擁躉見面。

死

2018年3月2號，比利·海靈頓死於車禍。