比利時全氟辛烷磺酸污染案
比利時全氟辛烷磺酸污染案，比利時一污染案，亦屬醜聞。3M公司工廠，一九七六年到二〇〇二年間，排出全氟辛烷磺酸，污染空氣、泥土同河流[1]，以致好大地方受污染。水流入到荷蘭，當地魚驗到好高濃度，兼且水至終會流入北海[1]。工廠就近地方，人體血中含量，高過歐盟安全標準過百倍。全氟辛烷磺酸，大自然唔會分解，殘留泥土生物之間，對動物有害，歸入永久污染物，好難搞一隻嘢。至終要公司善後，包括挖走大量表土。或有刑事檢控。公司或要大額賠償畀各方。當地鷄蛋亦唔食得。
雖然工廠已唔生產全氟辛烷磺酸過十年，但同系種種含氟表面活性劑，仍有危害之嫌，當局勒令工廠停產[2]。然而停產影響廣泛，影響唔少工業生產，包括晶片業[3]。
件事一早就有人知，比利時政府中有人知[4]，然而要到二〇二一年六月，因起要起環城公路，改動方案，隧道要經過間廠附近，驗到土驗受污染，官方難以冚住而爆咗出來。條路一直好多人反對，搞咗好多年都未成，污染醜聞引起公眾嘩然[1]。