生物

生物（粵拼：sang1 mat6）又叫生物體，係有生命嘅個體。嚮生物學同生態學中，地球上已經被科學家具體描述嘅生物大概有200萬種，亦有人認為實際數字應該係500萬種以上。由物質組成嚟睇佢哋都由原生質組成。 生物最重要同基本嘅特徵在於生物進行新陳代謝。所有生物一定會具備合成代謝以及分解代謝呢個互相對立嘅兩個方面，係生命現象嘅基礎。

地球上各類生物

生命嘅起源同埋生命各個分支之間嘅關係一直存在爭議。一般嚟講生物分為兩大類：原核生物同埋真核生物。原核生物分為兩個域：細菌域（Domain Bacteria）同埋古細菌域（Domain Archaea），呢兩個域相互之間嘅關係並唔比佢哋同真核生物嘅關係更為接近。嚮進化史嘅研究上原核生物同埋真核生物之間一直冇乜聯繫。真核生物嘅兩個細胞器：葉綠體同線粒體被普遍認為係由內生細菌（endosymbiotic bacteria）演化而來。

多細胞生物指包含多過一個細胞嘅生物。

共有屬性

内文：生命

生物嘅共有屬性包括：

• 移動性
• 營養
• 呼吸
• 生長
• 繁殖
• 應激性
• 適應性

呢啲屬性並非普遍存在，例如好多生物無法獨立移動（即管植物嘅生長可以被視作移動嘅一種）並且無法直接對環境變化產生反應。微生物比如細菌無法進行呼吸。另外好多生物嘅個體無法進行繁殖（即管佢哋所屬嘅物種可以繁殖）。

事物	組織	穩態	反應	新陳代謝	生長	繁殖	適應	係咪生物
人類	✔	✔	✔	✔	✔	✔	✔	✔
灰狼	✔	✔	✔	✔	✔	✔	✔	✔
烏鴉	✔	✔	✔	✔	✔	✔	✔	✔
蜜蜂	✔	✔	✔	✔	✔	✔	✔	✔
海星	✔	✔	✔	✔	✔	✔	✔	✔
木棉樹	✔	✔	✔	✔	✔	✔	✔	✔
各種細菌	✔	✔	✔	✔	✔	✔	✔	✔
石頭	✘	✘	✘	✘	✘	✘	✘	✘

結構層次

生物嘅結構層次

• 原子
  • 分子
    • 高分子
      • 細胞器
        • 細胞
          • 組織
            • 器官
              • 系統
                • 生物體

環境嘅組成

• 個體
  • 種群、族群
    • 群落
      • 生態系統
        • 生物圈

分類

内文：物種分類同生物分類學

為咗理解大自然，人類發明咗一啲生物分類法來將唔同嘅物種分類。現時世界通用嘅物種分類法係大致建基於林奈嘅研究，再由查理斯·達爾文改進。呢個分類法有七個主要層級，由最廣到最窄係：界、門、綱、目、科、屬、種。

病毒

病毒由於唔能夠獨立進行繁殖同新陳代謝而通常唔被認為係生物。然而，依據美國法典（United States Code）嘅生化武器同埋非法使用相關內容中病毒被歸為微生物範疇。由於好多寄生動物同埋內共生體（endosymbionts）亦缺乏獨立生存能力，所以病毒算唔算係生物仍然存在爭議。就算病毒有酶同埋其他生物特有嘅分子，佢哋嚮寄主細胞外就生存唔到，並且病毒新陳代謝嘅過程需要寄主遺傳機制嘅參與。呢種寄生現象嘅起源重未清楚，但有可能產生於寄主。

壽命

壽命係生物嘅基本參數之一。有啲生物只可以生存一日，有啲生物例如一啲植物可以生存幾千年。

細胞衰老嚮決定生物體，細菌，病毒甚至係朊毒體嘅壽命時好重要。

目前，科學界普遍認為存在於細胞染色體末端嘅一段特殊嘅DNA序列－－端粒同細胞嘅壽命有好大嘅關係。通常情況下，細胞每分裂一次，端粒就會變短一啲。隨著端粒逐漸縮短，最後造成位於染色體DNA中間段嘅對細胞生命活動有意義嘅DNA序列嘅缺失。由於呢個時候無法繼續進行正常嘅生理活動，細胞就會進行一種由自身控制嘅程式性死亡－－細胞凋亡。此外，腫瘤細胞中嘅端粒結構通常唔會縮短，呢個都係腫瘤細胞可以進行無限分裂嘅原因之一。

參閱

• 生物基本主題一覽
• 分類學
• 微生物
• 進化論

連出去

• 生物天地
• 生物學圖庫