氯化鈉（化學式：NaCl）係一種常見化合物，食鹽主要成分。純淨氯化鈉常溫下係白色或無色晶體。
結構上，氯化鈉晶體係由氯離子同鈉離子組成嘅離子晶體，氯離子做面心立方密堆積，鈉離子填入八面體空隙，屬於立方晶系。爾種晶體結構（代號B1）好有代表性。
氯化鈉易溶於水，化學性質穩定。
氯化鈉係重要化工原料，氯化鈉熔化之後電解可以得到金屬鈉，而電解食鹽水就可以用來生產氫氧化鈉同氯氣，稱為氯鹼工業。亦可以用侯德榜發明、至今經已經過多次改良嘅聯合製鹼法生產碳酸鈉（俗稱「純鹼」、「梳打」）同碳酸氫鈉（俗稱「小梳打」）。
