領事
(由江臣跳轉過嚟)
領事（Consul，粵拼：ling5 si6/ling5 si2），舊時又繙江臣，係駐外國各埠之官員，以保護僑民。領事駐喺領事館。佢同大使唔同，大使係元首代表，多數駐外國首都，而領事就喺唔係首都嘅地方設置。領使分成四級，一總領事，二領事，三副領事，四隨習領事。前三者正式，隨習領事只係領事館屬員。安排邊級，就睇大埠定細埠。有啲領事館只係幫僑民，有啲會發簽證。若果冇正式領事，亦可以委任名譽領事，以服務僑民。名譽領事未必係本國公民。
總領事又叫常務總領事，駐喺總領事館。
史
編輯類似領事嘅職務，古希臘嘅時候已經有。而領事呢個名，興起於歐洲比薩城同威尼斯城大概十一二世紀。兩城都喺家下意大利境內。呢啲城邦，經海路做生意，會派官吏駐守外國，以便解決水手同商人麻煩。
之後各國交流頻繁，向世界各地派駐領事已經成為外交慣例。
大清國由道光簽訂虎門條約五口通商開始，就有各國領事駐守喺清國。之不過要到光緒元年，大清先派駐領事去美國舊金山同古巴。光緒三年，置領事於日本橫濱同大英帝國治下嘅星架坡。