城邦
呢篇文講有關城邦嘅政治概念。想搵古希臘城邦（Polis）嘅話，請睇城邦 (希臘)。城邦（英文：City-state）通常指一個獨自擁有主權或者實行緊自治嘅城市。歷史上嘅城邦通常係一個大文化圈嘅一部份，好似古希臘城邦嘅雅典、斯巴達，迦南嘅腓尼基城邦、中部美洲嘅瑪雅城邦、絲綢之路上嘅小國同意大利城邦，包括佛羅倫斯、威尼斯之類。中國周朝實行嘅封建制度，分封畀一啲諸侯國嘅土地，有時都叫做城邦。
歐洲史上有兩個重要嘅城邦時期—古希臘嘅城邦同文藝復興時期嘅意大利城邦，係而家歐洲嘅文明嘅發源地。不過，呢啲文明嘅城邦通常只係存在咗好短嘅時間，因為佢哋嘅土地同實力都唔夠抵抗周圍嘅敵人。所以，呢啲小區域組織喺鬆散嘅地理同文化個體入面共存，成為大國建立穩固勢力嘅障礙。所以，佢哋最終都融入咗更大嘅社會體系、以至於民族國家[1]。
目前世界上只有新加坡、摩納哥同梵蒂岡符合城邦嘅傳統定義。一啲國亦有對實行高度自治嘅城邦行使主權，比如話中華人民共和國嘅香港同澳門、英國嘅百慕達、直布羅陀、同埋美國嘅華盛頓特區。
參考
編輯- ↑ Sri Aurobindo, Ideal of Human Unity, Social and Political Thought, 1970
