江青（1914年3月—1991年5月14號），原名李雲鶴，藝名藍蘋，山東省諸城縣人，係毛澤東第四任老婆，文化大革命時期中共嘅主要領導人之一。佢出名主要係因為佢係四人幫成員之一。
江青後生嗰陣時從事戲劇同電影表演；1938年去延安，後尾同中國共產黨領袖毛澤東結婚。文化大革命嗰時開始搞政治。佢係中共第九屆、十屆中央政治局委員。1976年，毛澤東死咗之後冇耐就俾人囚禁，唯有退出政壇。江青喺1981年1月25號被判處死刑緩刑兩年，剝奪政治權利終身。1983年1月改判無期徒刑。
中國官方話佢響1991年5月14號，喺北京保外就醫住所自殺死。
1980年響北京被公審時話：「我是毛主席的一條狗，叫我咬誰就咬誰」
