沙嘉都喇賈罷麗街

路牌

撒卡度拿卡伯拉爾

1889年澳門地圖嘅塔石斜巷
圖中顯示嘅其中一部分二龍喉馬路而今係士多鳥拜斯大馬路。而荷蘭園正街當時並未出現，喺圖度標埋只係為咗方便識別。

已取消嘅塔石斜巷舊址

沙嘉都喇賈罷麗街（葡文：Rua de Sacadura Cabral），通稱沙嘉都喇街，係澳門半島一條街，以葡萄牙飛行員撒卡度拿卡伯拉爾命名。街道全長約440米，闊大約9米。東南邊喺望德堂區嘅士多鳥拜斯大馬路、塔石廣場嘅西邊開始，沿途同荷蘭園正街、塔石街、厚望街、羅德禮將軍街交匯，喺賈伯樂提督街進入聖安多尼堂區，再同僑樂巷、俾利喇街及亞利鴉架街交匯，西北邊去到連勝馬路為止，連接墨山街。呢條街由荷蘭園正街至厚望街嗰橛，舊時嗌塔石斜巷（Calçada do Tap Siac）。