開主選單

沙園站(「園」字有陰上變調粵拼saa1 jyun2 zaam6英文Shayuan Station)係廣州地鐵8號綫佛山地鐵1號綫(喺廣州叫廣佛綫)嘅轉車站,亦係個跨月台轉車站,喺海珠區工業大道北榕景路嘅交界。不過兩邊嘅月台開放時間都唔同,其中廣州地鐵8號綫喺2010年11月3號營運,而佛山地鐵1號綫喺2015年12月28號營運。

沙園
Shayuan
Shayuan Station Word.JPG
沙園站(廣州地鐵8號綫)嘅站名
概覽
位置 海珠區工業大道北同榕景路嘅交界
車站色 8號綫    
1號綫    
經過路線 8 1
啟站 8號綫:2010年11月3號
1號綫:2015年12月28號
月台 2
站口數 4
營運資訊
車站服務時間 06:07-23:54
列車服務時間 06:14-23:45
廣州地鐵8號綫
滘心 ◄鳳凰新村 (850m) (1.1km)寶崗大道► 萬勝圍
佛山地鐵1號綫
新城東 ◄沙涌 (1.8km) (1.9km)燕崗► 瀝滘

結構

樓層

呢個站一共有3層樓嘅地下區域,其中地下1樓係站廳,有票務設施,客務中心同商鋪;地下2、3樓都係廣州地鐵8號綫佛山地鐵1號綫嘅共用月台。同廣州地鐵8號綫海珠區段同佛山地鐵1號綫佛山段啲車站一樣,冇休息室廁所母嬰室

打掂

地下
一樓
站廳 售票機、客服中心、地鐵警務室、安檢設施
地下
二樓
月台 廣州地鐵8號綫列車去鳳凰新村站(行鳳凰新村嗰邊)
島式月台,開左邊門(8)/開左邊門(1
月台 佛山地鐵1號綫列車去燕崗站(行瀝滘嗰邊)
地下
三樓
月台 廣州地鐵8號綫列車去寶崗大道站(行萬勝圍嗰邊)
島式月台,開右邊門(1)/開右邊門(8
月台 佛山地鐵1號綫列車去沙涌站(行新城東嗰邊)

打橫

 
沙園站嘅站廳
 
沙園站嘅8號綫月台
 
柱上啲字

站廳

呢個站嘅站廳西邊係收費區,四周圍俾人行通道同車站商舖圍住嗮。而收費區入面有好多座扶手電梯、專用𨋢同樓梯往返兩條綫之間嘅月台。

月台

呢個站有兩個島式月台,都喺工業大道北地底。8號綫用東邊嘅月台,廣佛綫用西邊嘅月台。由於車站嘅工期同廣佛綫一期接近,廣佛綫月台使用同開始營運一期一樣嘅月台幕門。其中廣州地鐵8號綫月台喺2010年11月3號開始用,而佛山地鐵1號綫月台喺2015年12月28號開始用。

沙園站嘅月台全景
8號綫嘅月台全景(行鳳凰新村嗰邊,喺2016年2月28號影。)
1號綫嘅月台全景(行瀝滘嗰邊,喺2016年10月18號影。)

商舖同自助服務

而家嘅沙園站入面有好少唔同類嘅舖頭嚟服務乘客,好似有便利舖、麵包檔同涼茶舖等。

另外,沙園站入面凈得好少自助服務設施畀乘客用,包括咗自動櫃員機同自動販賣機;重有可以充羊城通,可以交水電費同交通罰錢嘅服務。

出入口

呢個站有四個出入口,分別係A、B、C,D。喺2017年11月14號開始實行嚴格安檢制度之後,除咗往返A、D出入口同樂峰廣場之間毋須接受安檢之外,其它出入口之間當成過街通道往返嘅話,都要接受人過安全門、物過X光機、液體過檢測儀嘅制度。

冧巴 標記 去到邊度
出入口A 工業大道北 工業大道北、榕景路、金沙路、樂峰廣場、永旺光大都會豪庭店、太古倉碼頭、鳳凰新村(寶業路口)巴士站(南行)
出入口B   工業大道北 工業大道北、榕景路、沙園巴士站(南行)
出入口C 工業大道北 工業大道北、沙園大街、沙園巴士站(北行)
出入口D       工業大道北 工業大道北、寶業路、廣州市第卌一中學、荔福路、卓越教育沙園校區、鳳凰新村(寶業路口)巴士站(北行)
註:  有盲人引導徑 |   有斜道 |   有輪椅升降臺

頭尾班車信息同配線圖

配線圖

地下2樓
8鳳凰新村站

         
         
         
         
         
         
         
         

1燕崗站

配線圖

地下3樓

         
◀ 1沙涌站
         
         
         
         
         
         
8寶崗大道站 ▶
         
行去邊頭 頭班車 尾班車
每日
廣州地鐵8號綫
鳳凰新村站 06:17 23:15
萬勝圍站 06:17 23:41
佛山地鐵1號綫
新城東站 06:10 23:08
瀝滘站 06:17 23:19
注意:
喺晚黑最後一班車開走之前嗰5分鐘之內,
係唔畀入閘坐車(包括埋買車飛)。

車站歷史

規劃

喺1997年嘅廣州地鐵規劃冇提到沙園站同寶崗大道站,凈得個站喺昌崗中路同工業大道北嘅交界,喺舊2號綫一分為二之後嘅東西向路段,過咗呢個站之後向西過河,同時呢個站係嗰時嘅4號綫同5號綫(唔係而家嘅5號綫)嘅轉車站。

但2003年重新規劃過呢兩條路線,先係舊2號綫嘅東西向路段改成從呢個站轉去工業大道北行,原先向西行過河條路線,到咗呢個站之後行去工業大道中同工業大道南嗰邊,變成1號綫嘅路線。後嚟方案改成將呢個站放喺工業大道北入面,重改名做「沙園站」,同1號綫平行轉車;同將喺昌崗中路嘅寶崗大道站列入二號綫一分為二嘅工程入面。

8號綫

工程

喺舊二號綫喐手起嗰陣重未起呢個站。2007年政府批准起2號綫南延段,條綫喺2008年正式開始逳手起,重將南邊終點搬到而家嘅廣州南站

沙園冷卻塔案

2010年9月25號,舊嘅2號綫一分為二之後,2號綫8號綫開始重新投入營運,不過新開嘅8號綫凈開到昌崗站。噉係因為呢個站有冷氣站喺試營運嗰陣,嘈到俾冷氣塔出面10幾米遠嘅光大花園啲業主抗議,話影響大部分業主休息,甚至出動好多差佬嚟維持秩序[1]。由於嗰時單嘢一直都未拗掂,搞到車站停咗工成個半月先至復工[2],令到8號綫鳳凰新村站、沙園站同寶崗大道站呢3個站喺8號綫重新開通之後一直未開。

開通

地鐵公司同光大花園業主傾掂之後,呢個站同寶崗大道站、鳳凰新村站一齊,喺2010年11月3號開始營運[3]

1號綫

工程

呢個站喺規劃時期,本身係1號綫8號綫嘅轉車車站。但呢個站喺2010年10月28~29號嘅1號綫開通之後,一直未開到呢個站。後嚟媒體預測後通段喺2012年底開通,但因瀝滘站嘅拆遷問題而開通時間一拖再拖[4]。直至2014年7月為止,1號綫除瀝滘站之外,其它站就嚟搞掂嗮[5],結果路線凈開到燕崗為止[註 1]

開通

從2015年12月28號頭班車開始,佛山地鐵1號綫東延段正式開通,啲列車開到嚟沙園站[6]

出入口

呢個站開通個時開咗B、C、D三個出入口,後來再開埋A出入口。

利用狀況

呢個站周邊都係大型小區同樂峰廣場為代表嘅商場,所以出入站啲客流主要都係周邊啲居民同喺41中返放學啲學生、樂峰廣場購物啲乘客為主。

不過喺開通初期,客流都幾少下。自從樂峰廣場喺2013年7月13號開業之後,客流先至多咗好多。尤其喺2015年12月28號朝頭早,因佛山地鐵1號綫東延到燕崗嗰橛開通,車站亦多咗佛山地區啲客流同廣佛候鳥過嚟轉車,但嗰時凈限東西向嘅上落車客流轉車同出站為主。2018年12月28號,因佛山地鐵1號綫凈低嘅東延段去到瀝滘,車站亦多咗往返廣州南邊嘅番禺地區客流上落。

附近嘅建築同景區

商場

學校

小區

註同攷

  1. 2018年12月28號,佛山地鐵1號綫繼續向東延長到瀝滘站
  1. 地铁冷却塔紧挨小区 光大业主上街聚集讨说法[失咗效嘅鏈] 大洋网(转金羊网) 【2010-07-27】
  2. 地铁沙园站冷却塔复工 互聯網檔案館歸檔,歸檔日期2016年3月5號,. 南方日報 (2010-09-02)
  3. 地铁八号线凤凰新村沙园宝岗大道三站3日迎客[失咗效嘅鏈] 广东新闻网 (2010-11-02)
  4. 动迁结束"十年长跑" 广佛线西朗沥滘终可一线牵 互聯網檔案館歸檔,歸檔日期2016年3月4號,. 大洋网(转广州日报) 【2013-12-12】
  5. 别等沥滘站 广佛线能否分段开通? 鳳凰網 (2014-07-31)
  6. 12月28日起 广佛线开到燕岗啦[失咗效嘅鏈] 广州地铁 (2015-12-24)

上一站·下一站

上一站⇚⇚    廣州地鐵    ⇛⇛下一站
鳳凰新村站
終點站
沙園站
8號綫
寶崗大道站
萬勝圍站
沙涌站
新城東站
沙園站
1號綫
燕崗站
瀝滘站