鳳凰新村站粵拼fung6 wong4 san1 cyun1 zaam6英文Fenghuang Xincun Station)係廣州地鐵8號綫嘅車站,2010年11月3號開放,喺海珠區工業大道北南田路口以南地底。

鳳凰新村
FENGHUANG XINCUN
鳳凰新村站嘅站名
概覽
車站代碼 816
位置 海珠區工業大道北同南田路嘅交界
座標 23°5′41.28″N 113°15′21.2″E / 23.0948000°N 113.255889°E / 23.0948000; 113.255889座標: 23°5′41.28″N 113°15′21.2″E / 23.0948000°N 113.255889°E / 23.0948000; 113.255889
車站色  
經過路線 8
啟站 2010年11月3號
月台 2
站口數 2
營運資訊
車站服務時間 06:10~23:45
列車服務時間 06:15~23:40
廣州地鐵8號綫
滘心 ◄同福西 (840m) (850m)沙園► 萬勝圍

呢個站曾經喺2010年11月3號到2019年12月27號間屬8號綫西邊嘅尾站。

結構 編輯

樓層 編輯

呢個站一共有3層樓嘅地下區域,其中地下1樓係站廳,有票務設施,客務中心同商鋪、車站警務室;地下2樓係車站嘅設備區;而地下3樓係8號綫嘅月台。同部份8號綫車站一樣都係「三無車站」(站內廁所、休息室、母嬰室三樣是但一個都冇)響度。

打掂 編輯

地下
一樓
站廳 售票機、客服中心、車站警務室、安檢設施、警務室
地下
二樓
設備區 車站設備
地下
三樓
1月臺 8號綫列車去同福西站(行滘心嗰邊)
分離島式月台,開左邊門
2月臺 8號綫列車去沙園站(行萬勝圍嗰邊)

打橫 編輯

 
鳳凰新村站嘅南站廳
 
鳳凰新村站嘅月台(行文化公園嗰邊)

站廳 編輯

呢個站嘅站廳喺工業大道北近南田路口嘅東南角地底,收費區喺地下1樓站廳嘅西邊,四圍俾過街舖頭圍住嗮,入面有扶手電梯同樓梯、專用𨋢往返月台都得。

月台 編輯

呢個站有1個分離島式月台,喺海珠區工業大道北嘅南田路口以南,內環路高架兩邊地底。

另外,呢個站嘅南邊有一條存車線,從2010年9月25號嘅舊二號綫一分為二變成8號綫之後,都係用嚟畀列車站前返轉頭用,嗰時凈用得西月台(而家係2月台),而東月台(而家係1月台)凈得好特殊嘅情況時用。直到2019年11月19號21:30(UTC+8),隨住08x163/164號列車到咗呢個站清客之後,列車唔再喺南邊條存車線掉頭返對面畀乘客上車[1],而係直接過海到文化公園返轉頭[2]。條存車綫留咗畀突發情況先至用得,不過每次列車到呢個站之後重係要清客走直到2019年12月27號尾班車收車為止。2019年12月28號因路線繼續向北延長,列車到呢個站之後唔會俾車站工作人員或廣播話攆客走,喺1月台範圍原先寫住嘅「終點月台」、「終點站」、「請勿上車」、「禁入」呢啲類似提示亦冚唪唥搣走嗮同刪嗮,重改成提示路線已經向北延長到文化公園西南角。而家條存車綫凈限突發事件時先至用到。

喺呢個站北邊嘅同福西站挖咗成幾百米嘅隧道同鋪咗軌,家下呢兩條隧道暫時用嚟做存車線,有需要嘅時候可停車,喺突發情況先至用得。

商舖同自助服務 編輯

而家嘅鳳凰新村站入面有好多鋪頭畀乘客買嘢同服務,好似有便利檔同麵包檔、涼茶舖。

另外,鳳凰新村站入面重有好多自助服務設施畀乘客用,包括咗自動櫃員機同自動販賣機;重有可以充羊城通、交水電費同交通嘅罰錢、查地鐵嘅路線、頭尾班車同埋地鐵嘅安全指引服務。

商舖
自助服務

出入口 編輯

呢個站一共有2個出入口,分別係A同B。

冧巴 標記 方位 去到邊度
出入口A      工業大道
工業大道北、寶業路、梅園西、龍鳳街道辦事處、江西省人民政府駐廣州辦事處、海珠區紅十字會醫院鳳凰創意產業園、梅園西巴士站
出入口B  南田路
東北偏北
南田西路、工業大道北、革新路、南田西路巴士站
出入口C 未開通 唔畀喺呢度行出去或入站
註:  有盲人引導徑 |   有斜道 |   有輪椅升降臺

車站歷史 編輯

規劃 編輯

其實呢個站最先喺1997年嘅《廣州市城市快速軌道交通線網規劃研究(最終報告)》講嘅方案A入面嘅4號綫(唔係而家嘅4號綫)嘅車站,就喺而家呢度。但係喺2003年嘅規劃方案入面話,嗰時4號綫就改成而家嘅8號綫車站。之後就變成8號綫西延段嘅車站,就加入咗舊二號綫一分為二嘅工程入面。

工程 編輯

喺舊嘅二號綫開始喐手起嗰陣,呢個站重未起嘅。直到2007年,由於8號綫西延段俾政府批准,終於喺2008年開始逳手起,重將南邊嘅尾站搬到而家呢個站位。而工程到咗2010年2月先至搞掂嗮。

未開通到呢個站(2010年9月25號~2010年11月2號) 編輯

2010年9月25號,舊嘅2號綫一分為二之後,2號綫8號綫開始重新投入營運。但係呢個站之所以重未開,係因為西邊嗰橛嘅沙園站嗰度,有個冷氣站喺試營運嗰陣製造出好大噪音,俾冷氣塔出面10幾米遠嘅光大花園啲業主抗議,話影響大部分業主嘅休息,甚至要出動好多差佬嚟維持秩序。由於嗰時單嘢一直都未拗掂,搞到到8號綫呢個站同沙園站寶崗大道站一齊都開通唔到。嗰時向西行嘅列車嚟到昌崗站之後就要趕鴨咁趕,之後部車唔坐乘客去到呢個站之後就返轉頭。而呢個現象一直去到2010年11月2號先至結束。

正式開通(2010年11月3號~而家) 編輯

喺2010年11月3號朝早,呢個站正式開咗畀人坐車。期間呢個站一直做住8號綫西邊總站嘅身份,直到2019年12月28號,由於路線繼續向北延長到文化公園,車站亦降級成中途站,改變咗做西邊尾站長達9年嘅歷史。

利用狀況 編輯

由於呢個站冇幾遠都係啲住宅區,所以喺客流方面,都係住喺呢度附近嘅居民上落。但係由於而家廣州地鐵線網重唔係幾密集,加上呢個站重係個總站,唔可以向北直接過河到珠江北邊嘅市區,搞到喺呢個站坐車嘅乘客寧願揀巴士都唔揀地鐵。所以呢個站嘅客流都麻麻地。不過呢個現象隨住8號綫北延段開通到文化公園之後先至結束,從2019年12月28號當日開始,多咗一堆喺8號綫工業大道北、中同沙園、寶崗大道南一帶啲居民往返沙面、十三行一帶往返嘅居民上落嗎,重有客流為咗避開人民橋成日大塞車而揀呢條綫嚟快速過海。

接駁交通 編輯

日班車:

  • 鳳凰新村地鐵站:
    9、10、16、31、75、79、79A、121A、123、220、226、243、288、288A、521、813、963
  • BRT
    B21
  • 南田西站:
    114、121A、188、226、243

夜班車:

  • 鳳凰新村地鐵站:
    夜3、夜7、夜45、夜79
  • 南田西站:
    夜45

編輯

  1.   bilibili上面嘅影片
  2. 这天,八号线长“长”了!.广州地铁官方微信公众号.2019-12-27

上一站·下一站 編輯

上一站⇚⇚    廣州地鐵    ⇛⇛下一站
同福西站
滘心站
鳳凰新村站
8號綫
沙園站
萬勝圍站