法正

法正（粵拼：faat³ zing³；176年—220年），字孝直haau³ zik⁶，係三國嘅蜀漢軍師，佢曾經同張松、孟達等朋友係劉璋部下，但因為劉璋昏庸無能，三個都唔肯追隨佢。劉備入蜀嗰陣法正等三人幫咗佢唔少，後來法正封為蜀郡太守、揚武將軍。

佢個人鍾意報答同埋報復人哋，做咗劉備嘅官之後，即使係被人哋請食都會報恩，同埋佢之前被人哋得罪，就算係小事都會殺咗嗰個人，有人話畀諸葛亮知，但係諸葛亮諗住佢被劉備睇重，就唔話畀劉備知。

劉備同曹操爭漢中嗰陣，嗰陣劉備唔掂，當時應該撤返，人哋勸佢都唔得。曹軍射箭嗰陣好似落雨咁，法正喺前線擋箭，劉備話：「孝直快點嚟避開嗮箭！」，法正話：「主公仲親自當擋箭牌，何況我呢小人喇！」劉備話：「孝直，我同呢退返去。」就下令撤返。

劉備討伐東吳兵敗嗰陣法正已死，嗰時諸葛亮話若果法正未死，就可以勸阻劉備，就算東征，只要法正隨行，都避得開夷陵之戰嘅大敗。