法證先鋒IV
香港電視劇
《法證先鋒IV》（英文：Forensic Heroes IV）係2020年香港電視廣播有限公司嘅時裝查案電視劇，係法證先鋒系列嘅第四輯，總共有30集，由黃浩然、李施嬅、譚俊彥、陳煒、朱晨麗同湯洛雯領銜主演，由鄭俊弘、鄭希怡、張曦雯、海俊傑、陳敏之、張頴康、謝雪心同康華聯合主演，並由謝賢、米雪、鮑起靜同麥玲玲特別演出，總監製梅小青。呢套劇係梅小青退休前嘅最後一部作品。除咗其中一單案件會承接第三輯嘅結局，其餘嘅劇情同前三輯無關。
| 法證先鋒IV Forensic／Forensic Heroes IV | |
|---|---|
| 類型 | 時裝查案 |
| 編劇 | 霍婉君、雷兆銘、何群娥、葉泳洪、 周俊傑、方家逸、姜曉欣 |
| 編導 | 方俊華、歐耀傑、何嘉華、朱禮和、 祁健聰 |
| 助理編導 | 張恆浩、區浩德 |
| 主演 | 黃浩然、李施嬅、譚俊彥、陳 煒、 朱晨麗、湯洛雯、鄭俊弘、鄭希怡、 張曦雯、海俊傑、陳敏之、張頴康、 謝雪心、康 華 特別演出： 謝 賢、米 雪、鮑起靜、麥玲玲[1] |
| 集數 | 30 |
| 主題曲 | 圓謊 |
| 作曲 | 張家誠 |
| 填詞 | 張美賢 |
| 主唱 | 側田 |
| 片尾曲 | 我不是她 |
| 作曲 | 張家誠 |
| 填詞 | 張美賢 |
| 主唱 | HANA菊梓喬 |
| 插曲 | 不要流淚 |
| 作曲 | 張家誠 |
| 填詞 | 張美賢 |
| 主唱 | 鄭俊弘 |
| 製作 | |
| 拍攝／製作年份 | 2018年10月－2019年3月 2019年6月－7月（重拍） |
| 製作統籌 | 馬子恩、劉慧儀 |
| 監製 | 梅小青（總監製） 方俊華（監製） |
| 編審 | 梁敏華、阮美鳳、冼翠貞 |
| 拍攝地 |  香港 臺灣台北、基隆 |
| 製作公司 | 香港電視廣播有限公司 |
| 無綫電視翡翠台首播 | |
| 播出日期 | 2020年2月17號－3月27號 |
| 播出時間 | 逢星期一至五 20:30－21:30 |
| 海外推出 | |
| 播出國家／地區 |  馬來西亞 Astro AOD |
| 播出日期 | 2020年2月17號－3月27號 |
| 播出時間 | 逢星期一至五 20:30－21:15 |
| 相關節目 | |
| 前作 | 法證先鋒 法證先鋒II 法證先鋒III |
| 續作 | 法證先鋒V |
| 相關節目 | 特輯《法證4.0 先鋒佈陣》 |
| 出面網頁 | |
| 官方網站 | |
角色 編輯
法證事務部 編輯
| 演員 | 角色 | 備注 |
| 黃浩然 | 高 安 | 高Sir 35歲 高級化驗師 水慧明、湛霆、林凱淳、陳浩榮嘅上司 聞家希、郭輝煌嘅好朋友兼合作拍擋 侯敏莉嘅男朋友，喺第20集因爲佢決定同有末期癌症嘅初戀男朋友走完最後一段路而分手 徐意嘅暗戀對象，喺第30集起成為佢男朋友 |
| 陳 煒 | 水慧明 | Queen、Queen姐 38歲 科學鑑證主任 高安嘅下屬 湛霆、林凱淳、陳浩榮嘅上司 聞家希、高靖、候敏莉嘅好朋友 張綺寧嘅閨密兼情敵，喺第16集發現佢與賀文維發生關係而反面，喺第23集和好 賀立維嘅女友，喺第16集發現佢與張綺寧發生關係而分手 郭輝煌嘅好朋友兼追求對象，喺第30集成為佢女朋友同結婚 喺第29集被挾持，之後被郭輝煌救返 喺第30集同郭輝煌遇上汽車爆炸，好彩無事 |
| 鄭俊弘 | 湛 霆 | 30歲 科學鑑證主任 高安、水慧明嘅下屬 郭輝煌嘅租客 徐意嘅室友 林凱淳嘅好朋友 高靖嘅好朋友兼暗戀佢，喺第30集起成為佢男朋友 |
| 朱滙林 | 林凱淳 | Ocean 科學鑑證主任 高安、水慧明嘅下屬 湛霆嘅好朋友 |
| 黃耀煌 | 陳浩榮 | Howard 技術員 高安、水慧明嘅下屬 |
| 張詩欣 | 葉翠萍 | Polly 文員 高安、水慧明嘅下屬 |
法醫科 編輯
| 演員 | 角色 | 備注 |
| 李施嬅 | 聞家希 | Dr. Man、家希 33歲 法醫科高級醫生 司徒勳嘅上司 高安、郭輝煌嘅好朋友兼合作拍擋 水慧明、高靖、侯敏莉嘅好朋友 同施見賢有感情線，由第27集起成為佢女朋友 |
| 張子丰 | 司徒勳 | Ivan、阿勳 法醫科醫生 聞家希嘅下屬 |
西九龍總區重案組 編輯
| 演員 | 角色 | 備注 |
| 譚俊彥 | 郭輝煌 | 郭Sir、King Sir、國王 37歲 高級督察 高靖、余偉鼎、莫敬超、唐心悅嘅上司 徐意、湛霆嘅包租公 高安、聞家希嘅好朋友兼合作拍擋 水慧明嘅好朋友同追求佢，喺第30集成為佢男朋友同結婚 喺第29集救被挾持嘅水慧明 喺第30集同水慧明遇上汽車爆炸，好彩只係受皮外傷 |
| 朱晨麗 | 高 靖 | 阿靖 27歲 警長 郭輝煌嘅下屬 余偉鼎、莫敬超、唐心悅嘅上司 聞家希、水慧明、侯敏莉嘅好友 湛霆嘅好朋友兼暗戀對象，喺第30集起成為佢女朋友 喺第24集追疑犯時有Michael Ma幫手，過程被直播同喺網上瘋傳，兩人被網民封為「最勇CP」 於第29集被Michael Ma襲擊至重傷同被佢拎去佩槍，之後被送院救治，最後好返 |
| 郭子豪 | 余偉鼎 | 鼎少 警員 郭輝煌、高靖嘅下屬 |
| 胡 㻗 | 莫敬超 | Super 警員 郭輝煌、高靖嘅下屬 |
| 楊柳青 | 唐心悅 | 唐心 警員 郭輝煌、高靖嘅下屬 |
高家 編輯
| 演員 | 角色 | 備注 |
| 何偉業 | 高文哲 | 校長 許若瞳嘅老公 高安、高善、高靖嘅爸爸 已經過咗身 |
| 甄詠珊 | 許若瞳 | 高文哲嘅老婆 高安、高善、高靖嘅媽媽 喺高善被拐時嘗試救佢，但途中俾車撞死 |
| 黃逸灝 （童年） |
高 安 | 高文哲、許若瞳嘅大仔 高善、高靖嘅大哥 十二歲時因爲一時疏忽而導致高善俾人拐走，同佢失散二十三年 喺第14集知道高善被拐嘅經過 喺第16集去台灣同巧遇搵高善嘅徐意，喺第17集知道台灣嘅高善唔係自己嘅大妹，喺第18集返嚟香港 喺第25集得知高善嘅消息，喺第26集同佢相認 喺第30集搵到被Michael Ma帶走嘅馬愛薇之後被Michael Ma挾持佢同馬愛薇到天台，同Michael Ma發生打鬥 睇返法證事務部 |
| 黃浩然 | ||
| 林靖文 （童年） |
馬愛薇 | Emma 原名高善 29歲 空姐 / 兼職Model 長期住喺三藩市，喺第25集嚟香港 高文哲、許若瞳嘅大女 高安嘅大妹 高靖嘅家姐 Michael Ma嘅養妹 六歲時被拐走後被賣，之後被三藩市一間孤兒院收養，再被Michael Ma嘅父母收養同改名為馬愛薇，同高安、高靖失散二十三年 喺第25集登場 因爲創傷後選擇性失憶而唔記得自己被擄嘅經歷及以前嘅記憶，喺第26集接受心理治療，記返起被擄嘅經歷及以前嘅記憶之後同高安、高靖相認 喺第29集被Michael Ma迷暈後帶走，喺第30集同高安被佢挾持到天台，喺Michael Ma墜樓時嘗試救佢，自己幾乎墮樓，最後被救 喺第30集將Michael Ma嘅骨灰帶返去三藩市同決定將自己個名改返做高善 |
| 張曦雯 | ||
| 李易諭 （童年） |
高 靖 | 高文哲、許若瞳嘅細女 高安、高善嘅細妹 同高善失散二十三年，喺第26集同佢相認 睇返西九龍總區重案組 |
| 朱晨麗 |
聞家 編輯
| 演員 | 角色 | 備注 |
| 利穎怡（配音：葉曉欣） | 聞家祈 | 家祈、大小姐（李秋專稱） 聞家希嘅家姐 施見賢嘅女朋友 李秋嘅前僱主 曾經捐肝救聞家希 喺2008年去美國進修法醫，但因為飛機空難而離世 |
| 李施嬅 | 聞家希 | 家希、二小姐（李秋專稱） 聞家祈嘅細妹 李秋嘅前僱主，同佢情同家人 曾經有肝病，之後聞家祈捐肝救返佢 睇返法醫科 |
| 謝雪心 | 李 秋 | 秋姐 聞家前女傭，同聞家希情同家人 喺第3集出場 喺第23集發現有認知障礙症 喺第28集被殺 |
郭家 / 唐家 編輯
| 演員 | 角色 | 備注 |
| 張本立 | 唐立本 | 阿本 甜品店「唐水舖」老闆 郭金碧嘅老公 郭輝煌嘅姐夫，二十年前為救佢而墮海冇命 阿澄嘅爸爸 水慧明嘅姑爺 佢靈龕嘅石碑喺第27集被墳場小偷用斧頭鑿爛 |
| 袁潔儀 | 郭金碧 | 碧姐、阿碧 甜品店「唐水舖」老闆娘 唐立本嘅老婆 郭輝煌嘅家姐，一手湊大佢，因為唐立本嘅死而同佢關係疏離，喺第27集和好 阿澄嘅媽媽 水慧明嘅姑奶 喺第8集出場 |
| 容天佑 （少年） |
郭輝煌 | 國王 郭金碧嘅細佬，由佢一手湊大，因為唐立本嘅死而同佢關係疏離，喺第27集和好 唐立本嘅舅仔 阿澄嘅舅父，為咗賺學費供佢讀書而將自己住嘅單位分租 水慧明嘅老公 喺工餘時間會去甜品店「唐水舖」幫手 睇返西九龍總區重案組 |
| 譚俊彥 | ||
| 陳 煒 | 水慧明 | Queen 郭輝煌嘅老婆 郭金碧嘅弟婦 唐立本嘅舅弟婦 唐澄嘅舅母 喺第27集買咗甜品店「唐水舖」嘅舖位，以解決「唐水舖」因為前業主加租而造成嘅經營危機 睇返法證事務部 |
| 阿 澄 | 唐立本、郭金碧嘅女 郭輝煌、水慧明嘅外甥女 |
其他角色 編輯
| 演員 | 角色 | 備注 |
| 湯洛雯 | 徐 意 | Chris 29歲 網媒《焦點觸角》資深記者→《制高點》記者 《制高點》直播節目《心理·真理》嘅主持 細個時父母因爲交通意外死咗，之後由舅父舅母照顧同被佢哋強迫幫手誘拐小朋友，二十三年前有份誘拐高善 郭輝煌嘅租客 湛霆嘅室友 暗戀高安，喺第30集起成為佢女朋友 喺第2集出場 喺第14集同高安講返高善被拐嘅經過同向佢道歉 喺第16集去台灣搵高善同巧遇高安，喺第17集知道台灣嘅高善唔係高安嘅大妹，喺第18集返嚟香港 喺第18集加入《制高點》 喺第25集同高安講有關高善嘅消息同協助兩人聯絡 |
| 鄭希怡 | 侯敏莉 | Monique 33歲 品酒師 聞家希、水慧明、高靖、張綺寧嘅好朋友 高安嘅女朋友，喺第20集因爲決定同有末期癌症嘅初戀男朋友走完最後一段路而分手 喺第3集出場 由第14集起去美國做嘢，喺第18集返嚟香港 |
| 海俊傑 | 施見賢 | Stan、史釘（李秋專稱） 35歲 聲紋專家 讀過心理學碩士課程 聞家祈嘅男朋友 同聞家希有感情線，由第27集起成為佢男朋友 喺第9集出場，喺第11集返英國，喺第21集返嚟香港探李秋 |
| 陳敏之 | 藍嘉美 | Dr. Nam、Sammy 心理學家 有雙重人格，次人格會喺主人格受到刺激同承受唔到外來壓力時出現 《制高點》直播節目《心理·真理》嘅嘉賓 喺第25集出場 |
| 張頴康 | Michael Ma | Michael 網紅 / 美食YouTuber 網名MMA 喺香港出世，細個跟父母移民去三藩市，父母多年前因為地震離世 長期住喺三藩市，喺第24集嚟香港 馬愛薇嘅養兄，視佢為親生妹 喺第24集出場 喺第24集幫高靖追疑犯，過程被直播同喺網上瘋傳，兩人被網民封為「最勇CP」 喺第29集襲擊高靖至重傷，拎走佢嘅佩槍同帶走馬愛薇 喺第30集挾持馬愛薇同高安到天台，同高安發生打鬥，最後墮樓身亡 |
| 康 華 | 張綺寧 | Elaine 倉務文員 水慧明嘅閨密兼情敵，喺第16集俾佢發現自己同賀文維發生關係而反面，喺第23集和好 侯敏莉嘅好朋友 暗戀賀立維，趁佢飲醉咗而同佢發生關係，喺第19集有咗，但之後俾手推車撞到跌親而流產 喺第7集出場 |
| 鄭子誠 | 賀立維 | Louis 首席牙科醫生 水慧明嘅男朋友，喺第16集俾佢發現自己同張綺寧發生關係而分手，但仍然希望同佢復合 張綺寧嘅暗戀對象，飲醉之後同佢發生關係 喺第2集出場 喺第21集被殺 |
特別演出 編輯
| 演員 | 角色 | 備注 |
| 謝 賢 | 龍兆天 | 大龍生、師傅（龍映雪專稱） 粵劇團創辦人 龍映雪嘅師傅 （特別演出第1-2、4集） |
| 米 雪 | 龍映雪 | 雪姐 粵劇團班主 / 粵劇花旦 龍兆天嘅徒弟 （特別演出第1-4集） |
| 鮑起靜 | 蘇 芳 | 芳姐 咖啡店老闆娘 住喺台灣基隆 多年前為咗籌集個仔嘅醫藥費而賣咗個女，但之後好後悔，所以好想搵返個女 （特別演出第17集） |
| 麥玲玲 | 麥校長 | 中學校長 （特別演出第24集） |