泮塘路 (廣州)

  呢篇文講廣州市嘅泮塘路。想搵佛山市入面嘅泮塘路嘅話，請睇泮塘路 (佛山)。

泮塘路 PANTANG ROAD

性質： 一般馬路 全長： 0.396公里 行車線： 雙向4車道 地區： 廣州市荔灣區 起點： 龍津西路 終點： 中山八路 主要建築： 仁威祖廟 廣州市荔灣中學

泮塘路（泮讀叛，塘字變聲，粵拼：bun6 tong2 lou6）係中國廣東省廣州市入面嘅一條普通馬路，呢條馬路喺荔灣區入面，成條馬路南北走向。南邊從龍津西路開始，一直向北去到中山八路嗰頭。

概要

全長396米，闊26米，雙向4車道。

「泮塘」之名

睇埋：泮塘

唔會乾塘嘅水塘

「泮塘」原名嗌「半塘」，話喺好耐之前，呢笪地有個水塘好古怪，唔理你點攞尐水出嚟，個水位都好似千里達嘅彼廚湖噉、唔會降到底嘅，所以啲村民攞呢個水塘尐水嚟淋田。而呢個塘嘅水位降到半之半時，就唔會再降，到咗第日，佢又自己漲到滿（同物理入面講嘅U形管差唔多噉）。所以住响嗰度嘅鄉民都覺得好神奇，所以嗌佢做「半塘」，後嚟改名做「泮塘」。

半圓形嘅水塘

喺舊陣時，官署、學宮同府衙都係有圓形嘅水塘圍住，而低一級嘅建築凈係得半圓嘅水塘，而舊時泮塘鄉係有學府嘅（所以附近有支文塔），於是啲人就嗌做「半塘」。

史

喺21世紀之前，係未有呢條路嘅，呢度原本係條麻石街，到咗2003年3月份，廣州市政府為咗減少市區入面嘅掘頭路，就整闊咗條麻石街，最後到咗2004年4月完工通車。

經過嘅道路

呢度啲路嘅順序係從南去到北嚟排嘅，其中加粗咗嘅字係主幹道：

• 龍津西路
• 中山八路

連出去

• 泮塘路 花城網