洞天仙境

洞天仙境（粵拼：dung6 tin1 sin1 ging2）有著「華南第一天坑」嘅大寶號，喺英德九龍鎮墟西北偏西一點七公里遠嘅水邊河兩頭，係廣東清遠嘅一個熱門觀光地，亦係英西峰林走廊嘅其中一個景區。

公園大門

地理特色

佢以喀斯特地形嘅溶洞爲主，喺兩億幾年前形成。樣似巨大嘅漏斗天窗，後因地下河猛咁流而形成洞穴，由石灰岩山體喺雨水沉積同地表水侵蝕嘅共同作用下，重因細罅形成而逐漸擴大，形成咗溶岩深窿，後經幾億年嘅地下河水浸蝕後坍塌而成。隨後溶洞頂喺地質演變過程入面發現好多次坍塌而飆出地面而形成天坑。

景區

龍舌滴水

華南第一天梯

仙境天瀑

萬年壽龜

蓮花寶座

入面主要以山、水、石、潭、鐘乳、瀑布、天橋、天坑同綠洲嘅景色為主。家下既係中華人民共和國AAAA級旅遊景區之一，又係有天坑同玻璃觀景相結合帶休閒娛樂同特色美食、野外擴展嘅原生態綜合型嘅公園兼旅遊景區。

佢嘅景區主要有穿天懸空木棧道、龍舌滴水、石生綠蘑菇、白玉觀音、獅子碌波、萬年壽龜、華南第一天坑、天坑舊屋場遺址、石不語、萬綠福島、姻緣橋、仙境天瀑、蓮花寶座、緣分石、珊瑚化石、天生橋、天龍飲水、臨水棧道、森林棧道、龍骨印記、天然石刻字體、魔毯、玻璃滑道、玻璃觀景台、喊泉、翠竹林民俗文化街、豆腐坊同埋青雲橋爲主。

萬年壽龜

溶洞景區內一景，近窿底入口310m位。相傳好耐以前，玄武喺九龍引天水救百姓，後爲鎮守呢度而化成溶洞入面隻石龜嚟保佑方圓土地風調雨順。

白玉觀音

溶洞景區內一景，近窿底入口270m位。佢係嚿企咗喺懸崖成億年咁耐嘅奇石，似觀音菩薩喺度傳經說法、降幅賜壽，係「天坑第一天然觀音」。聽話每年有好多新婚夫妻會慕名嚟洞天仙境祈福，以求菩薩送仔女，通過朝拜後而有喜如願。

華南第一天坑

溶洞景區內一景，近窿底入口330m位。佢屬喀斯特地貌，係華南最大嘅天坑，深231m，面積近百畝。陽光從坑口照入天坑底，山泉水從天空及絕頂而降形成小溪，成為天坑「動植物王國」嘅生命之源。天坑入面氣候濕潤、超多O₂，重有花草、藤蔓、苔蘚、棕櫚、蕨科等百種植物喺度生。

喺2015年之前，因景區內冇就近棧道，所以入去嗰邊一定要搭船先至到，嗰時好少人到嗰邊玩。

天坑舊屋場遺址

溶洞景區內天坑底東邊一景。相傳喺大清太平天國領袖——洪秀全嚟呢度睇地形後，話呢度易守難攻嚟嗌軍隊匿埋。喺敵人唔注意之時變成隻出奇制勝嘅奇兵。早前啲人因戰亂而揀呢度避難，嗰時入嚟呢度要撐艇。當地好多村民曾經喺抗日戰爭期間入嚟避難。不過喺1983年因水邊河發大水而沖冧晒，原先呢度住啲村民冚唪唥搬出到第度，而原先嘅廢墟亦被開發成景區。

蓮花寶座

溶洞景區內崖底一景。佢本身係天界講經堂出面，靈池入面嘅蓮花，經過天界仙水嘅滋潤而有咗靈性。因成日聽天神講育真經而學成修仙，重潛心修行唔停噉吸取天地精氣，最後修煉成神化成蓮花寶座。

仙境天瀑

溶洞景區內深處一景。樣似半掩水簾噉掛喺天坑入面嘅半圓巖牆上，水聲似大珠小珠落玉盤嘅感覺。佢啲奇石、綠樹同碧水、天瀑喺埋一齊，形成似「蓬萊仙境圖」噉。

穿天懸空木棧道

溶洞景區內半空一景。全長300m，上邊係懸崖絕壁一線天，下邊係深水碧潭暗流。水清見底，雖然睇落去好平靜，但跟住山勢嘅轉變而起伏不平，暗流喺下邊行，棧道睇落去好似搖搖欲墜噉，令人心驚膽戰。

翠竹林－民俗文化街

景區北邊一景，入面嘅空氣平均O₂負離子含量達到120,000個/cm³。入面有農家土特產街、西施豆腐飯嚟畀客人親身體驗下手工整豆腐嘅成個過程。

九龍之星·玻璃觀景台

景區山頂一景，喺洞天仙境懸崖最頂，屬玻璃觀景台之一。垂直高度228m，懸空38m，家下亦係中國大陸觀景平台垂直高度最高嘅地方。

玻璃滑道、魔毯

兩娛樂設施，其中魔毯喺景區山上入口800m地方；而玻璃滑道洞天仙境懸崖最頂嘅玻璃觀景台下邊隔籬。兩者方面，魔毯攞嚟上到崖頂用，而玻璃滑道攞嚟滑到崖底用。滑道全長388m，垂直落差200m。

飛同開放時間、注意事項

開放時間

每日08:30～18:00

飛

• 全票：CNY￥76
• 1.2m＜身高≤1.5m（細路）／65≤年紀＜70（老坑，要有本人有效身份證原件）：CNY￥50
• 身高≤1.2m（細路）／年紀≥70（老坑，要有本人有效身份證原件）／傷殘人士（要有殘疾證）／軍人（要有軍官證）：免費
• 洞天仙境+峰林小鎮：CNY￥120

注意事項

1. 飛淨限一人一張入場。
2. 每位遊客限享受一種優惠政策，若果有符合至少兩種折扣資格嘅遊客，按最低折扣嚟計。
3. 傷殘人士（列入咗殘疾人體育賽事醫學分級嗰啲），建議有位完全民事行為能力嘅人陪同入場。
4. 若果景區有特殊活動、惡劣天氣、太多遊客、設備故障檢修等原因閂檔，以公告為準。
5. 飛一旦賣出，除非法定事由或突發事件或遇到第四種情況其一之外，其它情況都冇得退。
6. 若果飛通過網上途徑而買咗，冇得退。
7. 每位買成人飛嘅遊客最多淨畀帶一位細路入場。
8. 酒後禁止入場。
9. 園區內嘅輪渡、滑道、魔毯、玻璃觀景台、行繩過河等遊樂設施同門飛唔互通，若果入場體驗要另外收錢。

連出去

• 洞天仙境 永安旅遊
• 英德洞天仙境 欣欣旅游