海印石

東砲台被炸毀

海印石係古時候廣州珠江一塊巨型礁石。由紅色砂岩同砂礫岩構成，屬於海蝕平台地貌，因為形似印章，所以叫做海印石。同浮邱石、海珠石并稱為羊城三石。原址大概喺而家白雲路同廣九大馬路交界嘅路口。

大明萬曆年喺石上起咗海印閣，大清改建為京觀樓，畀遊人登樓觀賞珠江景色。至遲喺16世紀末，就已經起咗一個砲台，叫做東砲台，英文叫做法國砲台（French Folly Fort），係廣州江防重地。1847年4月，英軍炸砲台，破壞嚴重。後來砲台東邊嘅築橫沙不斷擴張，逐漸同嚿石連埋一齊，卒之嚿石變成東濠口東岸陸地一部分。清末，海印石埋入地底。

而家喺大沙頭周圍有一啲嘢改咗「海印」呢個名，譬如海印橋、海印電器總滙（海印集團）。