浮邱石
浮邱石講嘅係舊陣時廣州城入面，珠江嘅西邊度浮出水面嘅一嚿紅色嘅礫岩石頭仔，重按佢嘅樣嚟改名嗌「浮邱石」，呢嚿石頭同海珠石、海印石一齊嗌「羊城三石」。而浮邱石就係喺依家中山七路同光復北路嘅十字路口嘅西南邊。呢嚿石喺清朝嗰陣，重入選咗羊城八景，嗌「浮邱丹井」。
傳說 編輯
如估講下浮邱石係點嚟嘅，可能係關福建省泉州市洛江區入面嘅洛陽橋事。
喺好耐以前，福建嘅洛陽江度係冇橋嘅，嗰陣條江好闊，如估想過河嘅，要撐船先至得。有一日，有個大肚婆喺過河嗰陣啱好撞正橫風橫雨，結果將成部船襟沉嗮，個大肚婆就跌咗入條河入面，好彩有人救返。結果佢就重記得呢件事。後嚟個大肚婆生咗個臊蝦，改咗名嗌「蔡中興」。
到咗蔡中興識嘢嗰陣，佢阿媽話咗一件事畀佢：「仔啊，你知你喺阿媽個肚嗰陣啱好撞正沉船，差啲就冇命喇。你要努力讀書，之後起棟洛陽橋嚟畀人行啊！」之後蔡中興就冇執輸，喺高中嗰陣攞埋狀元重返埋嚟。他返咗嚟之後第一件嘢就係將皇帝畀嘅錢冚唪唥攞嗮出嚟起條橋，但係起條橋要使好多錢，佢重要東借西借先至得。而嗰陣時嘅泉州重係好落後，冚唪唥都係特困家庭，所以冇捐到好多錢出嚟；重有嘅係有錢佬都唔願去捐錢。蔡中興見到噉嘅嘢之後向阿媽話：「我哋重不如賣咗間祖屋去？即使起間茅屋嚟住都一定要將條橋起好先至得。」
結果佢呢個舉動，搞到觀音菩薩都話好陰功，後嚟觀音菩薩變咗個18歲嘅靚女嚟幫佢，就畀個係都要錢嘅人撐住部船喺個江度大嗌：「我家姐就嚟要厝老公喇！如估邊個肯畀錢佢嘅，誰過嚟嫁都得！」後嚟尐人就諗：咦！咁大個人响度，邊個會掟唔中嘅？點知，個觀音菩薩係化銀嘅，所以嗰啲銀冚唪唥都跌嗮喺個菩薩坐嘅嗰部船度。嗰啲有錢佬見到佢都掟唔中，重嗌埋人返屋企再拿挓銀嚟繼續掟。
菩薩就將部船度嘅銀，冚唪唥都畀嗮蔡中興嚟起橋嘅。點知起橋嗰陣撞正條難題，就係有個橋墩打唔到樁。點知嗰晚佢發咗個夢，就話菩薩同佢講咗句：「四人一個目，三人一支竹，中間嗰個係浮邱叔。」如估佢去廣州度搵浮邱叔咪就得囉。點知第日，蔡中興派咗個親信去咗廣州嗰邊睇下搵唔搵到浮邱叔，點知搵渾嗮邊度都搵唔到佢，佢突然喺個街度見到4個人，其中最前面嗰個係單眼嘅，後面三個都係盲公；而呢三個盲公入面，最前面嗰個又係攞住支竹，另外兩個盲公手拖住個手，搭住最前面嘅單眼佬條頸一直行落去。點知親信睇下話呢個係菩薩嗰句佛偈入面講嘅「浮邱叔」。佢就對住中間嗰個話喇：「浮邱叔，你要幫下我啊！」浮邱叔就話喇：「幫咩啊？」個親信就將响洛陽江度起橋嘅事話咗畀浮邱叔知，點知浮邱叔話好易啫，佢就喺個身度搓咗粒軟㱽㱽又黑𥄫𥄫嘅嘢，原嚟係老泥丸！點知浮邱叔就將嚿嘢丼咗落個細嘅瓷樽入面，話畀親信知，喺未返到洛陽江之前，千祈冇打開佢，重塞咗挓木碎畀佢。
個親信就把求先整嘅木碎攞出嚟睇，就問浮邱叔，話塞畀佢嘅嘢有咩用，佢重一邊行，一邊淋喺個地下度，點知個啲木碎變成嚿金就俾人睇到嗮：「快啲睇下，有個傻佬喺度周街派錢啊！」點知尐人猛咁去執佢，所以嗰度咪改咗嗌「執金巷」，由於個名唔好聽，之後就改咗嗌「積金巷」。
由於個親信話咁筍嘢嘅，點知佢重未返到泉州嗰頭就將個瓷器開咗佢，就喺嗰嚿嘢度飆咗嚿大石頭出嚟，搞到佢坐嘅嗰部船就嚟沉嗮咁滯。而坐緊嗰部船嘅乘客就鬧佢話快唔快啲丼咗佢啊，點知嚿石跌咗落個水度沉咗落河底，就留咗喺廣州度喇。就係噉，個親信就乜都冇攞返嚟，唔知點算好。後嚟洛陽橋起好咗之後，就係因為橋墩出事，搞到每年都要整次先至得。所以後人就將呢個古仔入面講嘅嗰嚿石改咗個名嗌「浮邱石」喇。
而家嚿石頭重喺唔喺度？ 編輯
依家唔喺度喇，因為1920年嗰陣，廣州市政府就整條馬路出嚟，佢就將嚿浮丘石凿平咗，變咗係路基。依家係中山七路嘅其中一部分。但係，依家嘅浮丘石喺流花湖公園入面嘅兒童樂園東南邊附近冇幾遠嗰度就見到佢喇。