海威
海威（1974年1月20號－1997年4月21號）係香港海洋公園嘅一條明星殺人鯨乸，響1979年1月28號由冰島運來香港作表演。
資料 編輯
海威身長5.15米，體重有2000公斤，「海威」呢個名係公開徵求下第一獲選嘅名(第二名係「冰寶」)。曾經響香港表演成18年咁耐，估計超過5600萬觀眾睇過海威嘅表演，佢最擅長嘅表演係「凌空飛身頂波」。
同伴 編輯
香港海洋公園以前曾經養過另一條殺人鯨皇子，響1989年4月13號由日本鴨川水族館來港，運送過程花咗14個鐘頭，1991年7月10號病死。
死 編輯
海威喺1997年4月21號下晝病死，死時23歲。
海威死前幾日急性肚痾同出血，而且不斷惡化，獸醫成日支援性搶救，同時餵佢食止痛藥，但最後佢失血過多死咗，後來死之後被人發現證實佢係患上大腸癌。佢係香港人嘅集體回憶。
美國嘅研究指出，捉野生嘅殺人鯨嚟養，平均得返 5.2 年命，所以海威嘅死絕對同年齡冇關。
