海東京畿園粵拼hoi2 dung1 ging1 gei1 jyun4韓文하이둥 경기도 뜰海東京畿園 HaiDung Gyeonggido Tteul)係中國廣東省廣州市嘅一個韓式後花園嘅景區,喺越秀區越秀山上面,越秀游泳場嘅隔籬。呢個園區係中國廣東省政府同埋韓國京畿道政府一齊跨國合作起嘅一個園區同時,重係粵韓合作,跨國起園林活動嘅結晶品。呢間嘢喺2005年12月5號起好。

敘述 編輯

呢間嘢嘅佔地面積有8500㎡,入面主要有韓國傳統庭院同埋古建築呢兩大部分。而色調方面,主要係灰青色為主。喺圍墻同屋簷角嘅瓦片度都有劃住韓國嘅國花——木槿花。而呢座庭院係用咗大概800年前韓國嘅古典建築風格嚟整,以韓國最傳統嘅儒生別墅樣嚟整成「外園」、「內園」、「主庭」、「後庭」呢啲遊覽空間。

喺庭院嘅入口——外園嗰度,放咗韓國鄉下地區嘅守護神同佢境界嘅造型物——長桿;而內園前邊嘅世宗樓係集會嘅活動場所,佢右邊嘅宣傳館入面㔷咗同韓國、京畿道有關嘅宣傳資料;主庭入面有「方池」同「星湖庭」,而主庭嘅對面有又低又矮嘅斜坡花階同栗谷寨;而庭院周圍都有又低又矮嘅圍墻。後庭入面嘅茶山亭位置比較高,可以全面睇到嗮瀑布同埋草庭。

主要景區同建築 編輯

長桿 編輯

長桿同長丞一樣,都係話清楚韓國鄉下地區之間嘅境界,佢重係韓國嘅一個傳統習俗。具體做法係喺木桿頂嗰度釘住自己整嘅假雀仔放喺村口。

世宗樓 編輯

世宗樓嘅名係用嚟記得朝鮮時代整韓國文字嘅世宗大王先至改成噉嘅名。佢係16世紀朝鮮時代嘅代表性建築——屏山書院嘅晚對樓嚟做主題,表現咗韓國儒教理念方面,比較犀利嘅建築風格。

栗谷寨 編輯

栗谷寨係庭院主庭嘅中心設施,佢之前畀儒士猛咁諗同埋同享自己生活樂趣嘅建築。

茶山亭 編輯

茶山亭喺庭院後庭嘅最高位,佢係可以全面睇到嗮瀑布同埋草庭嘅一埞。喺朝鲜時代嗰陣,茶山亭嘅住持——丁若鏞先生克服咗嗰時傳統嘅社會體制而創立實現新社會嘅實學理想。

星湖亭 編輯

星湖亭係為咗讚朝鮮後期嘅代表性作家——李瀷先生嘅學識業績而起嘅一間嘢。佢個亭嘅兩條柱喺荷花池入面,同主庭嘅方池連埋一齊,可以睇到同諗到庭院嘅樣係點。

方池同圓島 編輯

方池係四方形嘅蓮花池,圓島就係蓮花池入面嘅島。佢係表現出道教思想入面,韓國傳統嘅庭院設施。而呢兩個嘅代表都有唔同:其中方池係地陰,圓島係天陽。兩個夾埋就係陰陽均衡,話家和萬事興噉解。佢係朝鮮時代入面,房屋庭院嘅代表性設施。

花階 編輯

花階係朝鮮時代入面,房屋庭院嘅代表性設施。佢係將庭院後面嘅斜坡改造成階梯噉樣,種咗好多花草樹木嘅畫壇。

四柱門 編輯

四柱門既係從出面轉入庭院嘅主要空間嘅同時,又係庭院同出邊嘅緩衝空間。

磚築門 編輯

磚築門唔單止有通用嘅閂門功能之外,重有畫住花紋嘅磚石構造嘅靚建築。由於佢入面同出面都有唔同嘅空間,所以磚築門係構成唔同景觀嘅要素。

編輯