海潮

海潮（Heidi）係1992年電視劇《火玫瑰》入面一個角色，由溫碧霞飾演。

海潮自細喺孤兒院大，只可以寫信向佢嘅助養人喬立（溫兆倫飾）傾訴，但係兩個人總係緣慳一面。海潮遇返失敗多年嘅生母，先至知道家散人亡都係因為畀喬永發（王偉飾）所害，海潮重親眼睇住生母被害，加上喬永發要斬草除根，所以海潮決定要報仇；忍痛同初戀情人方有為（尹揚明飾）分手，詐家依同喬永發第三仔喬歷（羅嘉良飾）拍拖。喬立係喬永發第二仔，見自己鍾意嘅女仔同親細佬訂婚而唔可以向佢表白，感到忐忑不安。

海潮掌握咗喬永發嘅犯罪證據，向警方舉報，反而被牽連，為咗避禍，海潮畀喬歷呃咗出公海謀害，結果流落越柬邊界，受盡折磨摧殘。後來喺一次戰火入面逃出生天，但係就淪為乞兒。喬立放棄優厚嘅測師工作，千里搵海潮，二人終於見返，海潮畀喬立嘅真情打動，兩個人結婚，之後過住新生活。

但係海潮心底始終想報仇，最後終於令喬永發家散人亡。但係佢同喬立嘅一段情緣又點搞呢？

劇入面海潮呢個角色成為咗社會嘅焦點話題，而溫碧霞更加係憑住呢套劇一炮而紅。