海獅

海獅（Sea-lion）係屬於鰭腳目，海獅科，海獅亞科嘅動物。佢哋唔係海狗，不過同海狗同科。

How to read a taxobox

海獅

位於加州 Monterey市嘅海獅

物種分類

Genera

由於佢哋係同科動物，好難先可以分開佢哋，雖然理論上可以分得出^[1]，但係喺多數情況下，真係要專家先至分得到。

有名嘅品種有加州海獅。呢種海獅好聰明，接受訓練之後可以表演。常見嘅表演包括頂波、拍手、敬禮、水中跨欄等等。

目前，香港海洋公園嘅海獅全部都係加州海獅。

外形

海獅外形長瘦過海豹好多，無任何花紋或者斑點。鰭係冇指甲嘅。海獅係有外耳嘅，同海豹或海象唔同。同海象一樣，後腳可以屈前。海獅BB仔直情可以喺陸地上跑步。

海獅公平均長海獅乸2倍，重量大概重4倍。海獅公額頭突出，而乸就係平嘅。

同海豹或人類唔同，海獅有4個乳房，唔係2個。

響三藩市 Pier 39曬太陽嘅數百隻加州海獅群

海獅實行一夫多妻制。海獅主要食魚，尤其係多春魚。

香港海洋公園大多都會餵佢哋食多春魚公。噉係因為多春魚公無春，而魚春含有太高膽固醇，對海獅無益。

香港海洋公園都會餵佢哋食冰塊，用來降溫同補充水份。