海衞一

海衞一係海王星最大嘅衞星，佢亦係太陽系中最凍嘅天體之一，有複雜嘅地質歷史同一個比較年輕嘅表面，喺太陽系入面所有衞星之中嘅大細排第八。喺海王星俾人發現之後17日，即係1846年10月10號俾威廉·拉塞爾（William Lassell）發現。

海衞一

名

海衞一響國際上嘅名叫崔頓（Triton），佢係以希臘海神崔頓命名嘅，係1880年卡爾米·弗拉馬利昂提出嘅。發現者拉塞爾諗唔到應該改咩名，但係佢就響佢後尾發現嘅土衞七、天衞一同天衞二改咗名。

除咗弗拉馬利昂之外重有一啲人建議改佢做呢個名，但出於各種原因呢個名一直都唔係正式名。直到1939年嘅書裏便重標記有「唔常用嘅名」。當時一般叫海衞一做「海王星嘅衞星」。

直到海衞二俾人發現之後，崔頓先喺1949年俾人定為正式名。