消光

消光，天文現象，星體所放出來嘅電磁波，如可見光，射到落觀測者時，會有所削弱，甚至消滅，皆因途中有物，諸如氣體、塵埃，會吸收咗啲電磁波，或將電磁波散射。啲嘢一啲喺太空星際之間，一啲喺地球大氣。唔同波長，消光程度亦唔同，皆因中間物質唔同。一般波長愈短，就愈消光得勁，所以可見光而言，近藍嗰邊消光勁啲，近紅嗰邊就無咁勁，睇來就偏紅嗰便。

消光示意圖

暗黒星雲Barnard 68會吸收可見光，消光得偏紅至到無光。左圖見到黑咗一笪，就係吸咗後果。借用紅外綫拍攝，經電腦處理，就得出右圖。右圖紅色部份為原先紅外綫先見到嘅星光，綠色同藍色，就係加強返綠色藍色依啲短波長。由此可見星雲嘅消光現象。出處歐洲南天天文台（ESO）

文

英文叫extinction。日文叫減光。