港式廣州話詞典

港式廣州話詞典係本以香港廣東話為本嘅粵語辭典，1999年6月第一版，張勵妍、倪列懷編，香港萬里書店出版；標音用咗1990年版嘅教育學院拼音方案。

書中有廣東話例，用北方中文作解釋。 收七千幾個詞，有三分之二屬於粵語共用，另外三分之一，二千個左右，係香港獨有或者香港發明嘅詞。用字方面，用「約定俗成」嘅原則，儘量選用社會上慣用嘅字，唔拘泥於「本字」。