湛若水

湛若水（1466年—1560年），字元明，號甘泉，係明代理學家同教育家。

生平

湛若水響廣東省增城出世，佢早年拜陳獻章為師，鉆研心性理學；創立「隨處體認天理」的哲學思想，踐行「知行合一」，同王陽明「致良知」學說各立門戶。佢成世人以興學育賢為己任，創建書院40幾間，弟子三千幾人，並用自己嘅積蓄為所到嘅書院設「贍田」，以扶助貧苦學生。佢為官廉潔奉公，主張「民庶實為邦本」，提倡「刑德並用，以得為主」，追求「衣食足，善心生，倫理明，風俗厚，禮樂興，和氣致，天地泰，萬物若」嘅太平天下。佢嘅學術見解響嗰時有好大嘅影響，佢始創嘅學派被稱為「甘泉學派」，同王守仁（陽明）並稱為明代理學家兩大流派之一。為咗緬懷先賢，弘揚先賢嘅精神。家下，增城同廣州紛紛為湛若水立像。