陳獻章1428年1500年),字公甫,號實齋,係大明廣東新會人。因為佢曾經住過白沙村,所以人稱白沙先生陳白沙。佢係出名理學者。佢時思想以靜為主。 

陳獻章嘅畫像

屈大均名著《廣東新語條提到佢。[1]

生平

苦學志道

正統九年(1444年),陳獻章考中廣東鄉試,後生嗰時信奉程朱學派。正統十二年(1447年),佢參加禮部會試,中副榜,入國子監讀書。後來考唔中禮部,來到江西,師從著名學者吳與弼。半年之後返家鄉,困學知變,住喺白沙里,起咗間陽春台苦讀,為咗減少外界嘅干擾,佢屋企人喺牆壁鑿個窿仔,飲食衣物,都喺爾個洞遞進。呢段期間佢唔見客,「窮盡天下古今典籍,旁及釋老稗官小說」,就超脫程朱矩矱,「學宗自然」,同莊子接近。天順八年(1464年),三十九歲後進京,國子監祭酒邢讓好賞識佢,「颺言於朝以為真儒復出,由是名震京師。」

傳道授業

成化元年(1465年),陳獻章經過十幾年嘅勤学,静坐冥思,舍繁羅約,把握心同埋理吻合嘅關鍵,爾年春天,决定喺春陽台設館教學(新會圭峰山有白沙講學亭)。教學理論:一,先靜坐,後讀書;二,多自學少灌輸;三、勤思考,取精義;四、重疑問,求真知;五、詩引教,哲入詩。並作咗《戒色歌》、《戒戏歌》、《戒懒文》等幾首詩作為座右銘。「諸弟子,聽訓誨:日就月將莫懶怠。舉筆從頭寫一篇,貼向座右為警誡。」

宦海沉浮

成化二年(1466年),陳獻章經順德縣知縣錢溥規勸,趁憲宗試禮施教,整頓朝綱,考取功名,為國家效力。就決定又上京師,重新遊太學。成化五年(1469年),參加戊辰科考,考得副榜(等於備取生),後來喺吏部衙門做個日日做文件、抄書校正、封發遞送嘅低級小吏。之後幾次參加會試,都因奸臣弄權,所以應考失敗。

陳獻章成世清貧,都御史鄧廷纘曾令番禺縣每月送佢米一石,陳拒而不受,重話自己「有田二頃,耕之足矣」。又有按察使,花巨金買園林豪宅送畀佢,佢一樣唔受。

嶺南學派

成化十九年(1483年),陳獻章以一篇《乞終養疏》感動咗憲宗,獲准佢返屋企養老母,贈「翰林院檢討」。陳返回故里,一心研究哲理,重振教壇,名聲因此遠播,到處爾學者都來要求做佢弟子。陳獻章教咗十幾年,好多學生得益佢嘅教誨,做朝廷嘅棟樑,爾個就係「嶺南學派」嘅形成。

從祀孔廟

弘治十三年(1500年),陳獻章喺家鄉病逝,終年72歲。

萬曆二年(1574年),朝廷下詔喺白沙鄉起家祠,並賜額聯同埋祭文肖像。橫額「崇正堂」,對聯:「道傳孔孟三千載,學紹程朱第一支。」萬曆十二年(1584年),詔令從祀孔廟,諡號文恭

  1. 屈大均. 廣東新語.

出面網頁