湯瑪士·桑卡拉（法文：Thomas Sankara，1949年12月21號—1987年10月15號）係布基納法索政治人，馬克思列寧主義革命者，亦係布基納法索第一任總統；佢被稱為「非洲嘅哲古華拉」。
桑卡拉喺1983年8月4號透過政變上任上沃爾特總統。佢任職總統期間，國名從法屬時代嘅名「上沃爾特」改為「布基納法索」（意為「正人君子之國」），象徵國家嘅自主同重生；佢都即刻啟動咗社會、生態同經濟變革計劃。1987年10月15號，桑卡拉喺由布萊斯·孔波雷（Blaise Compaoré）領導嘅政變中被殺。
