源氏物語係日本平安時代嘅長篇小說，係紫式部寫嘅。不過呢本小說並無留低書名，所以有好多其他名，好似源氏の物語，紫の物語，光源氏，源氏，源語，紫文。
源氏物語繪卷 朝顔
小說係1001年開始成書，係日本文學裏面好重要嘅作品，對後世文學有相當影響。書中講嘅係王族貴族嘅愛情故事。書分為三部份，源氏係書中第一二部份嘅主角。而第三部係佢嘅仔薰（實情係柏木嘅仔）做主角。
光源氏
- 光源氏
- 號光之君，係天皇桐壺帝第二個仔，亞媽桐壺更衣，後底乸藤壺中宮，亞哥朱雀帝。
- 老婆係葵之上、紫之上、女三宮，妾侍明石之方；情人係六條御息所、朧月夜、末摘花、花散里、源典侍、空蟬、築紫之五節、夕顏、軒端荻等。佢有仔夕霧、冷泉帝，有女明石中宮。
