滑坡謬誤
滑坡謬誤（slippery slope）係一種邏輯謬論，即係將一啲嘢執住小小，然後無限引伸出唔啦更嘅嘢，以達到某一種結論。教育水平較低、邏輯思路唔清晰嘅人，成日會用佢造成質素低下嘅政治宗教偏見。
謬誤原理 編輯
滑坡謬誤結構多數係：「如果Ａ出現，就會有Ｂ，然後就會發生Ｃ，接著就係Ｄ，……，最後會變成Ｚ。」
謬誤要說明A同Z有因果關係。滑坡謬誤係類比論證最易造成嘅結果，謬誤以概然性當成必然，將每一個無唯一可能性嘅武斷有引伸性咁串聯一齊。
例子 編輯
職場上滑坡謬誤：「員工偷懶，公司就損失，公司無錢賺就會炒人，被炒就會無錢而去打劫。打劫嗰陣遇到反抗，就要殺人。唔要做殺人犯就唔好偷懶」
其中一個反婚前性行為主義者嘅言論：「全部家破人亡都由男女做朋友開始。因為男女結識後，就係朋友甚至做情人，支持婚前性交會令女方懷孕，如果因一夜情就搞大肚，一係打種，一係生出嚟；因性關係男女被迫結合，就會無感情同唔識教仔，頭家好易散。當是但一方厭煩之後，會鬧交會家暴，會有命案。所有唔想殺人就唔好結婚前扑嘢。」