瀡滑梯

瀡滑梯係兒童遊樂場通常都有嘅設施。

金屬製直式滑梯

塑膠製直式滑梯

開放型旋轉式滑梯

密封（隧道）型旋轉式滑梯

大形吹氣滑梯

滑梯由攀登、平台石同下滑三段所組成。一般用金屬或塑膠整，最主要係確保滑板嘅表面光滑。細路由爬梯爬上平台，坐住，雙腳放平直伸，沿滑板下滑。直式滑梯下滑嘅速度會較密封（隧道）型快。

歷史

歷史上第一條畀細路玩嘅滑梯，喺1922年由域時田（Charles Wicksteed）用木板整出嚟，安喺英國諾咸頓郡 Kettering 嘅域時田公園（Wicksteed Park）。

風險

因滑梯有一定嘅高度，有意外跌傷嘅危險。細路着唔適合嘅衫褲會滑落來時整傷。有報導，一個細路喺玩滑梯時俾滑梯上嘅突出嘅嘢勾住件衫，纏實窒息而死。吹氣滑梯用嘅人超過上限，就有可能整座傾斜冧咗，可以好危險。

粵字事件

彭志銘曾經喺香港 am730 專欄介紹過「SIR滑梯」嘅「SIR」字嘅正寫係「瀡」，一個阿媽同個仔一齊睇咗呢篇文，個仔用「瀡」字寫落週記度。但係，老師見到呢個「瀡」字就打咗個大交叉，重寫咗「不知所謂」四個大字做評語，對於嗰個交叉同句評語，彭志銘亦好介懷。