遊樂場，用地一種，笪地專門留畀人玩，就算吉地一笪都算係。大多數講戶外，但無話戶內唔得。由於細蚊至玩得多，一般就指兒童遊樂場，有種種設備，有蹺蹺板、韆鞦、滑梯之類。實情大人都有遊樂場，如種種波地，好似籃球場、足球場、羽毛球場，諸如此類運動場，都歸入遊樂場一類。如健身站、健身徑，亦可謂遊樂場設備。而學校咁，一般叫做操場。
遊樂場個名，譒自英文playground。一七八〇年，就指地一笪，專畀露天玩樂，尤其同學校相關。古英文有字plegstow、plaeg-stede，字面玩樂之地，專講村中玩運動場[1]。
地並無限乜嘢質地，只要玩得都用得。草地、石屎地、沙地、泥地都有，視乎要點玩法。兒童遊樂場，時興舖軟墊，以防跌傷。
