滿樂時

滿樂時，古巴流行曲，查查樂曲，西班牙話歌，跟住查查舞流行，風行世界。曲詞出自古巴人羅仙道路伊夾飛道。樂譜一九五二年有，而錄音已知一九五五年就有，之後翻唱再翻奏，數都數唔晒，至今不斷。

並非所有錄音，唱晒所有歌詞。早年好多着重演奏，歌詞未必有，有亦只歌一啲。

廣東話版，一九六一年有齣戲叫分期付款娶老婆，鄧寄塵同新馬師曾，有串燒歌一小段。而同年又出碟，鄧寄塵同鄭碧影唱支詐肚痛，男女對唱嗌交歌。之後都有人翻唱。支歌八十年有喇叭正露丸賣告白改詞借用。

文

西班牙話曲名，一般寫Rico Vacilón，然而又有Qué Rico Vacilón，又有Vacilón Qué Rico Vacilón。Vacilón以古巴理解，好時、美時、樂時，要人好好享受。Rico解富解豐。故此英文亦Lots of Fun之名。而Vacilón亦可理解成宴，英文又有Have a Ball之名，舞會咁解。