鄭碧影
鄭碧影（Cheng Big Ying Pauline，1931年2月27號—2011年8月15號）係香港粵語片演員、粵劇花旦。拍過佰幾部戲，戲裏頭佢唱嘅粵語歌，好似「材子佳人」譽為經典。港九藝壇「三碧」嘅「細碧」（「大碧」係鄧碧雲；「中碧」係梁碧玉）。
身世 編輯
鄭碧影係廣東省中山縣人，香港出世，讀過香港同澳門多間學校：有香港中環堅道（Caine Road）聖心書院（Sacred Heart Canossian College）；澳門嘅培正中學附屬小學（Pui Ching Middle School）同埋跑馬地（Happy Valley）嘅聖保祿英文女子中學（St. Paul's Convent School）。佢讀書嗰時鍾意英文同西史。
鄭碧影自幼師承邱鶴儔同麥慶申學粵曲唱腔；名伶黃俠魂同新丁香耀教授學花旦功架；郭源斌、周小來練北派武功。中華民國二十七年（1938年），以六歲「女神童」身份登臺義演，開始粵劇舞臺搵食。民國卅一年，避日本仔走難，跟父母去澳門。戰後返香港，課餘去「新聲劇團」演出。廿一歲中學畢業後，全職演藝。
事業 編輯
銀幕處女作演李鐵導演嘅粵語文藝片《燭影照魂歸》（1952年5月，飾演伍玉瓊）；而正式演女主角係珠璣導演嘅《光緒皇傳（光緒皇與珍妃）》（1952年8月，飾演珍妃），嚮中華民國四十三年拍過廿齣戲，細碧出粵曲唱片好多。20世紀40年代至60年代，演出超過140幾部戲。
另外，鄭碧影同阿哥鄭頌周（出名劃則師）嚮香港島灣仔莊士敦道開咗「翠華百貨公司」，嚮中華民國五十三年（1964年）11月26號（星期四）開幕，由吳君麗、鳳凰女、林鳳、祁筱英、梁醒波同胡楓剪綵[1]。