漁農自然護理署（簡稱漁農署；英文：Agriculture, Fisheries and Conservation Department，縮寫：AFCD）係香港特別行政區政府食物及衞生局轄下嘅部門，專責管理香港漁業同農業，提供同漁農業、自然存護、動植物同漁業監管有關嘅服務。
漁農自然護理署嘅工作包括監察同指導漁業同農業，營運香港各新鮮副食品批發市場，指定同管理郊野公園、特別地區、海岸公園海岸保護區，同規管瀕臨絕種動物、植物嘅出入口。並且監管動物嘅福利同控制動植物嘅傳染病，例如禽流感。
