漢堡王

漢堡王（Burger King，曾經叫堡加敬）係源自美國嘅快餐店，最出名嘅係漢堡包塊肉係用火燒熟，全球分店超過12,000間。

歷史

1954年，詹士麥靲摩亞（James Mclamore）同大衛艾家敦（David Edgerton）喺美國佛羅里達州邁阿美經營第一間 Burger King 餐廳。

漢堡王喺1980年代第一次打入香港市場，初頭叫堡加敬，後尾叫漢堡飽王，但好快就撤出香港市場。

2003年11月，SSPHK攞到特許經營權重新引入漢堡王，喺香港國際機場開舖，之後喺太平山頂開多一間。

2007年12月，健味堡做咗香港第二個特許經營商，可以喺香港市區開舖，頭一間舖喺尖沙嘴，全盛時期有超過廿間舖，不過到2015年12月，剩低嗰5間舖正式全線執笠。SSPHK嗰兩間舖唔受影響。

2016年4月，SSPHK喺港鐵紅磡站大堂開設新分店，令到SSPHK嘅分店數目增加至3間，同年9月，再喺機場一號客運大樓禁區西大堂開設新分店，10月再喺中環士丹頓街開設新分店。

2019年1月2號，因為紅磡站美食廣場轉型，嗰度嘅漢堡王分店同時結業。之後中環士丹頓街分店同機場二號客運大樓翔天廊6樓美食廣場分店亦結業，而家只淨返山頂凌霄閣一間分店。

呢篇漢堡王係一篇關於美國公司嘅楔位文章。你可以編輯呢一版充實內容。