漢堡包

漢堡係指有肉類（通常係肉崧）夾響入面嘅一種包，個中文名來自英文 Hamburger，同時有音譯同意譯嘅嘢喺度，有時亦直接叫做漢堡。漢堡包個原名係出自德國城市漢堡市（Hamburg）。喺英文入邊，Hamburger就係指「嚟自漢堡嘅」，可以係指漢堡包本身，或者係包裏面由牛絞肉或其他夾有牛絞肉做成嘅肉餅。呢一種肉餅而家喺中文成日叫做漢堡扒，而漢堡包就用來專指夾咗漢堡扒嘅圓包三文治。

漢堡包

1980年代，跟住美國嘅連鎖快餐店「麥當勞」喺亞洲地區嘅推廣，中文嘅漢堡包呢一個字已經變成由小圓麵包做成嘅三文治嘅代稱。

亞洲地區

漢堡包喺亞洲以外嘅地區仍然係餐廳裏面標準嘅食譜之一。亞洲人因為習慣咗只係喺快餐店先至可以食到漢堡包，對於喺餐廳使十幾蚊美金去買一個漢堡包嘅行為會覺得好怪，因為佢哋會覺得唔值得；但係西方人就將佢當成一般菜式。

食材同醬料

亞洲地區嘅漢堡包嘅做法同埋材料跟住不同嘅地區而異：一定會有切開嘅小圓麵包，入邊夾著各種嘅食材同醬料。

典型包餡

• 牛肉漢堡扒
• 生菜
• 番茄片
• 洋蔥
• 酸瓜
• 芝士
• 番茄醬
• 蛋黃醬
• 芥辣醬

新型

菠蘿、豬肉漢堡扒、海鮮，雞扒等等唔同嘅選擇。

睇埋

• 熱狗