漢服
漢服，係指漢人嘅衫，同時係一種中國朝代服飾同埋相對於中國少數民族衫嘅漢人服飾嘅概念[1]。有啲專家話，漢人嘅衫喺古代係民族文化交融嘅見證，由南北朝到隋唐，漢人嘅衫一直喺胡化同漢化之間咁互相學嚟學去同變嚟變去，胡人學漢人衫，漢人學胡人衫，喺一路以嚟嘅交流裏面整出嚟啲效果更好更舒服嘅款式，而新款式嘅出現，再慢慢咁俾大家接受，每個時代都有每個時代流行嘅衫[2]。喺清朝，清初滿洲人迫漢人剃髮易服，導致清朝嗰時漢人男人從滿俗、女人就滿漢異俗、漢族品婦從滿俗而平民從漢俗[3]。而今韓國嘅韓服就受到中國明代衫嘅影響[4][5]，日本嘅和服，亦有借鑒中國唐代風格[6]。
相關歷史
編輯
1644年清兵入關，推行剃髮易服政策，為咗易於辨識順逆，所以強迫統治範圍裡面嘅漢人剃髮易服[7]，清初江蘇人王家楨喺《吃便便雜記》話，禁令鬆時可著明代衣物，嚴時須論罪殺頭[8]。
後嚟因為剃髮易服好難實行，所以清政府做咗妥協同讓步，雖然無撤銷意圖，但手段從最開頭嘅暴力轉為順其自然同潛移默化，採取「移風易俗」政策，好似喺康熙三年，清政府本來想申令禁纏足，但因為漢族士大夫唔鍾意所以無實行到[9]，令到民間髮式衣著雜亂，亦出現咗好多老百姓嘅衫依然為明制嘅情況。後嚟明代官服之類嘅衫喺清朝嘅社會裡面逐漸消失，但係清朝時期嘅兒童、僧侶、道士同女性依然可穿著明代嘅服飾[10]。
清早期到中期，啲官員以外嘅一般漢人百姓都可以著前朝服飾，到咗清中期，漢人男女服飾已基本改咗[11][12]，到咗晚清時期，絕大多數漢人都自願咁改著滿化服飾[13][14]。根據乾隆時期朝鮮人所講，朝鮮使者洪大容入北京，漢人幾乎皆唔識明代衣物，洪大容話中國人忘咗本[15]。喺辛亥革命嘅時候，喺中國某啲地區仍然保留咗明代式樣嘅服飾[10]
漢滿婦女嘅髮式喺清朝初期都依然保留住原有嘅樣式，後來隨住互相之間嘅影響，令各自嘅髮式都有咗明顯變化，喺「十從十不從」下，清朝嘅漢族婦女依然可以著明代時期啲衣飾，更加影響咗滿族婦女嘅審美觀[16]。
-
清朝漢人女性嘅衫 -
清朝漢人兒童嘅衫 -
清朝道士嘅衣著
參考
編輯- ↑ 华梅 (2007-06-14)。〈汉服堪当国服吗？ 中国人为何未保留着传统服饰〉。《人民日报海外版》。喺2020-10-04搵到。
- ↑ 〈关于"汉服"之争，专家話："汉服"就係个新造嘅概念〉。上观新闻。2019-11-21。
- ↑ 劉菲 (2017年)。《清前期皇室及貴族服飾研究》。山東大學出版社。
- ↑ 季勇、王革非 (2012年11月)。〈韓服與漢服之關係研究〉。《絲綢》。49 (11)。
- ↑ 〈大半夜的 写一点我收集到的雪音资料【马化腾吧】_百度贴吧〉。tieba.baidu.com。喺2021-02-08搵到。
- ↑ 金悅文、許璐、魏碧雲 (2015年)。〈淺談和服與漢服的對比〉。《遼寧絲綢》 (2)。
- ↑ 《清太宗實錄》卷10，天聰五年十一月庚午條
- ↑ 《研堂見聞雜記》:「功令嚴敕，方巾為世大禁，士遂無平頂帽者。雖巨紳孝廉，出與齊民無二。間有惜餼羊遺意，私居偶戴方巾，一夫窺瞷，慘禍立發。琴川二子，於按公行香日，方巾雜眾中，按公瞥見，即杖之數十。題疏上聞，將二士梟斬於市。又其初，士皆大袖翩翩，既而嚴革禁，短衫窄袖，一如武裝。間有鄉愚不知法律，偶入城市，乃服其衣，蹩躠行道中，無不褫衣陵逼，赤身露歸，即為厚幸。後幸禁少弛。」
- ↑ 《清初遺民社會》, 湖北人民出版社, 2009-07, p191-192
- ↑ 10.0 10.1 魏千志《明清史概論》, 中國社會科學出版社, 1998, p175-176, 358-360
- ↑ 崔榮榮、牛犁。《明代以來漢族民間服飾變革與社會變遷（1368-1949年）》。武漢理工大學出版社。
- ↑ 周錫保。《中國古代服飾史》。
- ↑ Edward J. M. Rhoads (2000). Manchus and Han: Ethnic Relations and Political Power in Late Qing and Early Republican China, 1861–1928. University of Washington Press. pp. 61–. ISBN 978-0-295-98040-9.
- ↑ Twitchett, Denis; Fairbank, John K. (2008) Cambridge History of China Volume 9 Part 1 The Ch'ing Empire to 1800, p87-88
- ↑ 洪大容《湛軒燕記·乾淨筆談》：「中國衣冠之變，已百餘年矣。今天下惟吾東方略存舊制，而其入中國也，無識之輩莫不笑之。嗚呼，其忘本也。見帽帶則謂之類場戲，見頭髮則謂之類婦人，見大袖衣則謂之類和尚。」
- ↑ 王麗華《服飾文化圖文版》, 内蒙古人民出版社, 2005, p75-76
