劉志
(由漢桓帝跳轉過嚟)
佢係漢章帝劉炟嘅曾孫，河間孝王（孝穆皇）劉開嘅孫仔，蠡吾侯（孝崇皇）劉翼個仔。
146年，漢質帝過身，大將軍梁冀擁立劉志做皇帝，就係漢桓帝。
桓帝對於梁冀長期專權好不滿。159年，桓帝同宦官合謀，派兵包圍梁冀大宅，收番梁冀嘅大將軍印綬，梁冀知道大勢已去，於是自殺。雖然冇咗外戚專權，但係跟住就係宦官嘅腐敗，引起好多人不滿，但係桓帝都仲繼續縱容啲宦官做壞事，而且佢又係一位鹹濕（大墨魚）皇帝，後宮人數多到有成五、六千人。
後世對漢桓帝嘅評價一般唔係好好，因為喺佢在位嗰陣有好多事發生，當中包括第一次「黨錮之禍」。諸葛亮寫《出師表》，提到自己同劉備談論國事嗰陣，「未嘗不嘆息痛恨於桓、靈也」。
漢桓帝喺168年去世，因為無仔，傳位畀佢堂侄漢靈帝。