《潛行狙擊》（英文：Lives of Omission）係無綫電視時裝警匪電視劇，由謝天華、陳法拉、黃宗澤、徐子珊同劉松仁領銜主演。2011年8月1號到9月9號喺無綫電視翡翠台同高清翡翠台首播。
由於謝天華喺《學警狙擊》所飾演嘅梁笑棠（Laughing Sir）大受歡迎，呢套劇係學警系列第二齣衍生作品，亦係喺第十五屆香港國際影視展被無綫電視推介嘅六部重頭劇集之一。
