潮汕平原

潮汕平原係響中國廣東省嘅第二大平原，係喺廣東省嘅東面，由韓江三角洲、黃崗河三角洲、榕江中下游平原、練江中下游平原組成，面積約4771平方公里，總人口約530萬，大約佔廣東省人口嘅十分之一（10％），係依家中國人口密度最高嘅地區之一。

潮汕平原嘅範圍包括汕頭市、潮州市、澄海、潮陽縣嘅全部，同埋揭陽、揭西、普寧、饒平縣嘅一部分。包括潮州、汕頭同埋揭陽，係廣東除咗珠江三角洲之外嘅另一個重要平原。

文化方面，潮汕平原通行潮州話，又係成一千萬華僑嘅鄉下，大學者饒宗頤同大有錢佬李嘉誠兩個人嘅鄉下都響潮汕平原。

地理

潮汕平原三面環山，東南面向住太平洋。韓江、榕江下游俾喺潮州市同汕頭市之間嘅俾潮汕第一名山桑浦山分隔開咗。而另一座叫小北山嘅山，就喺榕江同埋練江之間，山嘅北面係揭陽，西南面係普寧，東南面係潮陽。潮汕平原嘅部分地區係韓江、榕江、練江沖積而成，所以地勢比較平坦，河道縱橫，水源充足，又多沼澤同埋窪地，方便灌溉，所以潮汕平原嘅農業發展得唔錯，水稻一年可以有兩至三造，亦都盛產花生（潮州話叫地豆）、蕃薯、蔬菜、蔗、香蕉（潮州話叫芎蕉）、柑、桔、菠蘿（潮州話叫番梨）等。