澳門健康碼係針對武漢肺炎由澳門衛生局推出，喺2020年5月3號朝早9點開始用。入政府場所、大專學院、賭場、酒店同其他指定地方需要使用。餐廳、商場、搭車唔需要出示健康碼。
2020年5月10日10點開始，澳門健康碼同粵康碼（廣東省級健康碼）互認系統啟用。
澳門健康碼app要你答三條問題，關於徵狀、接觸史同外遊史，系統會自動查核你嘅個人專屬健康碼，用嚟判斷你允許定拒絶進入某啲場所。
澳門健康碼分三種顏色：
- 綠色表示申報人同武漢肺炎個案無關，可進入場所。
- 黃色提示你可能有發燒、急性咳嗽等徵狀、或者你有接觸武漢肺炎患者等，當局建議你採取自我健康管理，包括每日測溫、注意個人衛生等。可以入大部分場所。
- 紅色提示為申報人係武漢肺炎相關人士，包括確診個案、懷疑個案或者密切接觸者等。唔可以入場所。
