賭場
賭場係種開嚟畀人賭錢嘅地方，澳門官腔叫法係娛樂場。賭場提供好多種類嘅賭錢遊戲，譬如老虎機、輪盤、賭骰仔同各種啤牌類賭錢遊戲。賭場唔止起喺陸地，重會開喺船入面；叫親賭場嘅，都會有啲規模。
廣東話近義詞
編輯除咗賭場，重有唔少其他開來賭錢嘅地方。約定俗成之下，渠哋有其他廣州話名，一般唔叫「賭場」。
喺賭博唔多受規管嘅舊時代，規模唔大唔細嘅賭錢場所叫做賭館，好多由幫會經營。
賭檔同賭攤指規模好細嘅賭錢架步，而家多數唔合法。
「蔴雀館」亦都唔叫做賭場；大把人會喺入面打蔴雀賭錢，不過爾樣始終係好靠技術嘅玩意。
喺港澳，有政府部門同埋博彩公司經營估攪珠機攪珠傍足球、籃球同跑馬比賽結果嘅賭博生意，辦理呢啲買賣嘅舖頭叫作「投注站」同埋「投注中心」，香港坊間會嗌簡稱「馬會」。
