澳門AP1X巴士
澳門AP1X巴士，係一條由新福利做緊，而跳站形式由關閘廣場來回澳門機場嘅快速循環巴士線，只係響朝早同晏晝繁忙時間服務。
澳門AP1X號巴士
| |||||||||||
|---|---|---|---|---|---|---|---|---|---|---|---|
| |||||||||||
| 管理資訊 | |||||||||||
| 監管者 |  交通事務局
| ||||||||||
| 經營者 | File:新福利.png新福利 | ||||||||||
| 所屬車廠 | 青洲車廠 | ||||||||||
| 路線用車 | 蘇州金龍（海格）KLQ6108GQ28 | ||||||||||
| 路線資訊 | |||||||||||
| 路線圖 | |||||||||||
| 路線性質 | 循環 | ||||||||||
| 服務資訊 | |||||||||||
| 服務時間 | 朝早六點到朝早十點、 晏晝三點到晚黑八點 （禮拜同強制性假期停駛） | ||||||||||
| 班次間隔 | 六到十分鐘 | ||||||||||
| 全程收費 | 六蚊葡幣 | ||||||||||
| 主要競爭交通 | AP1 | ||||||||||
背景
編輯2008年到2009年，曾經開過三次AP1X。
2016年6月15號，新福利副總經理李啓見響澳門電台澳門講場話，同交通事務局申請開通AP1X，唔經北區。
2016年8月1號，交通事務局話為咗紓緩繁忙時間市民對巴士服務嘅需求，尤其係關閘來回離島同機場嘅乘客，所以開咗呢條線，作為AP1嘅快線，畀咗新福利做[1]。
2017年6月1號，呢條線調整禮拜六、日同公眾假期嘅班次，由八到十五分鐘，改成上晝十到十五分鐘、下午十二到十五分鐘，同時響強制性假期停駛[2]。
2018年4月16號，交通事務局召開記者會，公佈巴士加價同回應4月15號嘅氹仔嘉樂庇總督馬路巴士奪命交通意外，會上交通事務局局長林衍新局先公佈會響4月21號澳門所有公共巴士統一收六蚊葡幣，用澳門通拍卡畀錢就分普通線同快線收費，普通線收三蚊葡幣而快線就收四蚊，餘額由政府補貼，學生卡就響澳門通嘅價錢上再半價，老人同殘疾人士免費，將原本傾好嘅分澳門居民澳門通同普通澳門通收費（普通澳門通重有補助不過補少啲）、學生寒暑假期間取消優惠、老人同殘疾人士卡朝早同晏晝繁忙時間取消優惠（唔想老人同殘疾人士同返工啲人逼車）嘅全部內容唔實行，又將六十分鐘入面補差價由澳門線轉氹仔線嘅轉乘安排取消，澳門線轉氹仔線同澳門線轉澳門線轉乘時間一樣四十五分鐘，轉路環線就保留六十分鐘轉乘時間，林衍新話加價係基於澳門巴士好多年都冇加價（同樣理由已經響早排交通事務局服務費、鎖轆費、分階段調整咪錶收費用過），同埋佢嘅局預算冇加，但係補貼巴士公司嘅錢就不停噉加，所以點都要加，重話加幅比2008年巴士加價幅度細，調整幅度相對溫和，被人批評交通事務局冇經過大多數民意支持就霸王硬上弓話加就加夾硬嚟，2008年巴士雖然加價，但係當年第一任交通事務局局長汪雲為咗吸引多啲人搭巴士支持綠色出行，第一次推出澳門通拍卡有補貼，變相減咗價，但係由於冇區分澳門居民同遊客，所以交通事務局補貼費用年年上升，惹嚟澳門市民反感，要求區分收費，但今次方案諮詢嗰陣有提到，但冇實行[3][4]。
2018年4月21號，澳門巴士票價調整，呢條線嘅收費亦跟住調整：全程收費係六蚊葡幣，唔再分區收費。
2019年3月9號，為明確巴士站位置，「亞利雅架前地/泉悅」站改名為「信虹花園」站。
2019年7月27號起，「北安出入境事務廳」站改名為「北安出入境事務大樓」站。
2020年2月7號晏晝3點開始，因應武漢肺炎澳門疫情持續，導致載客量低下。為免資源浪費，本路線暫停營運，直至另行通知。[5]
2020年6月8號起，因應客量已逐漸回升，本路線恢復營運。服務時間調整為平日（星期一至五）06:00-10:00，班距10-15分鐘。[6]
2020年7月10號至11月2號，呢條線暫停營運。[7]
2020年11月3號，呢條線恢復營運。[8]
用車
編輯蘇州金龍（海格）KLQ6108GQ28
走線
編輯車費
編輯- 全程車費：六幣葡幣。
- 用澳門通全民卡，只係扣四蚊，其餘由政府畀。
- 用澳門通學生卡，只係扣兩蚊，其餘由政府畀。
- 用澳門通長者卡同殘疾卡，免費，全部由政府畀。
服務
編輯| 服務時間 | 平時（禮拜一到五） | 禮拜六、日同公眾假期 （唔包括強制性假期） |
強制性假期 |
|---|---|---|---|
| 關閘廣場 | 朝早六點到朝早十點、晏晝三點到晚黑八點 | 停駛 | |
| 班次 | 上晝六到十分鐘，下晝八到十二分鐘 | ||
停站
編輯| AP1X | 關閘 ↺ 澳門機場 | ||
| 編號 | 循環線 | ||
|---|---|---|---|
| 站號 | 站名 | 輕軌站或出入境口岸 | |
| 1 | M9 | 關閘廣場 |  關閘邊檢大樓
|
| 2 | T316 | 北安大馬路／新城區 | |
| 3 | T354/2 | 北安出入境事務大樓 | |
| 4 | T356/2 | 澳門機場 | 機場站 澳門國際機場
|
| 5 | T373 | 偉龍／科技大學 | |
| 6 | T314/2 | 信虹花園 | |
| 7 | T343 | 海灣花園／海城閣 | |
| 8 | M247 | 海上居 | |
| 9 | M9 | 關閘廣場 | 關閘邊檢大樓
|
攷
編輯- ↑ （繁體中文）〈AP1X快速路線8月起營運〉。交通事務局。2016-07-29。
- ↑ （繁體中文）〈73路線引入天然氣巴士行駛〉。交通事務局。2017-05-29。
- ↑ （繁體中文）拍卡3元 現金6元 巴士收費週六起加價，論盡傳媒，響2018年4月16號搵到。
- ↑ （繁體中文）有意見指巴士加價漠視民意，澳廣視，響2018年4月21號搵到。
- ↑ 〈NEWS.GOV.MO: 多條巴士線調整服務籲乘客留意〉。news.gov.mo。喺2020-02-07搵到。
- ↑ 〈30X和AP1X恢復上午運作〉。交通事務局。2020-06-05。
- ↑ 〈4快速巴士路線周五起臨時調整或停駛〉。交通事務局。2020-07-09。
- ↑ 〈AP1X路線恢復行駛〉。《澳門新福利公共汽車有限公司》。喺2020-10-29搵到。
睇埋
編輯拎
編輯- （繁體中文）新福利公共汽車有限公司