濠畔街

 濠畔街（粵拼：hou4 bun6 gaai1） 係中國廣東省廣州市嘅一條內街，喺越秀區嘅大德路同大新路之間嘅位，西邊從人民南路開始，一直向東去到解放南路。呢條街同玉帶濠一樣，都係條好長嘅內街。

名

呢條街因為1200年代有條玉帶濠響度而改成噉嘅名。

史

喺大清嘅乾隆、嘉慶年間，呢條街嘅西邊係廣州嘅金融商業中心。有好多商人喺呢度開會館，而且各會館前都整咗戲臺嚟畀梨園去表演。由於嗰時啲會館後邊都係條濠，所以冇辦法整大。結果各會館都喺條濠對面嘅華德里（今日嘅大德路）南邊起咗樓閣或自己整條跨濠嘅木橋，繼續搞成曲闌水榭、朱閣玉樓嘅風格。每逢節日喜慶時期都幾火爆下。

但到咗清末，由於玉帶濠出現嚴重嘅污染同河流淤塞嘅情況，加上長堤一帶又話搞開發同整咗條馬路而逐漸衰落，演變成個商品仔作坊。民國初期，濠畔街啲皮料從呢度生產，之後經香港而轉賣到全球各地，逐步恢復返南粵比較出名嘅商業街。

1950年代以後，玉帶濠改成暗渠。雖然變咗條街巷，但條街重嗌住「玉帶濠」嘅名。1980年代開始，珠江三角洲鄉鎮嘅皮鞋廠、皮具廠、手袋廠開始陸續出現，由於要好多料嚟整鞋，所以帶旺咗濠畔皮革五金鞋料街而發展成以濠畔街為主體，包括小新街、玉帶濠同大新路嘅「三街一路」出現皮革同五金、鞋料嘅市場。

有關

• 玉帶濠

攷

• 玉带濠与濠畔街：护城河的旖旎记忆 穿粵時光
• 濠畔街与玉带濠 广州越秀文艺网
• 玉带濠与濠畔街：护城河的旖旎记忆 花城网