火燒馬棚係指1918年2月26號喺香港快活谷馬場嘅一場大火，死咗六百幾人，係香港史上最大鑊嘅火災。
嗰日係香港賽馬「週年大賽」第二日。晏晝三點到，快活谷馬場個看台棚架突然冧咗，唔單止壓死好多人，重令到棚架下面嘅熟食檔燒着，引起大火，好多人走唔切，就燒死咗。
後嚟，政府撥出大球場後山上面既掃桿埔咖啡園墳場，用嚟安葬大火燒死咗既613個死難者，嗰個墳場叫做「戊午馬棚遇難中西士女公墓」，又立咗「馬棚先難友紀念碑」做紀念。
火燒馬棚
