火燭車

火燭車，又叫滅火車同埋救火車或者消防車，係種專救火嘅車，一方面運火燭鬼到火場，另一方面係幫手泵水救火，同埋用機動雲梯幫火燭鬼上樓射水救火同救人。火燭車多數同火燭鬼駐喺火燭館又叫消防局。

多數火燭車都係紅色，亦有啲地方用黃色。

最初嘅火燭車，只係一部人力推動嘅水車，有泵用來泵水射水，所舊時消防局叫水車館。後尾變成用燒柴油嘅機器泵。時移勢易，隨住救火工作越嚟越專門化，家陣啲火燭車有分門別類，各有唔同分工，各有架生應付唔同災場，唔同類嘅火。

發展簡史

歐美

希臘亞歷山德里亞發明家 Ctesibius 喺西元前 2 世紀發明咗第一個消防泵。歐洲喺 16 世紀重新塑造消防泵，據報喺1518年同埋1657年分別喺德國嘅奧格斯堡同紐倫堡用過。1655有一本書提到一種蒸汽引擎（稱為消防引擎）帶動嘅抽水泵能夠「射水高逹40英尺（大約12米）」，但未提到可唔可以四周移動。

北美殖民地有法律要求每間屋夜晚要喺門前準備有一桶水。當附近有地方火獨，滅火隊用呢啲水桶嘅水嚟救火。

1654年，波士頓出現抽水泵消防車。

1719年，費城獲得一部人手操作嘅抽水泵消防車，比波士頓遲但係比紐約市早。

1730年，倫敦嘅 Richard Newsham 成功造出消防車。

1731年，紐約市採用咗 Newsham 嘅消防車，六年後紐約市志願消防隊成立。

1737年，班哲文·富蘭克林對於消防隊嘅必要人力同消防技能提出咗一啲指標。

1743年，湯瑪斯·樂天製造第一架美國嘅國產消防車。

1840年，紐約嘅約翰·愛立信製造出美國第一架蒸汽動力引擎消防車。

英國第一部蒸汽動力消防車由佐治·佈雷斯韋特製造。

直到19世紀中為止，大多數消防車依靠人力移動，後嚟引入咗馬拉嘅消防車。1841年，第一次台機動蒸汽引擎消防車（唔使用馬拉）喺紐約市面世。但由於成日有人佔用同破壞，後嚟無再攞嚟用。20世紀初之前，機動消防車並未普及。

早期消防車嘅設計佈局係，除咗司機同指揮官之外，其他消防隊員企或者坐喺消防車兩邊或後面，日曬雨淋。又唔舒服又危險（消防車轉急彎嘅時候可能會將隊員拋出車外），如今幾乎所有消防車採用完全封閉嘅車廂。

圖

• 
  1670年代消防發動機水泵
• 
  麻薩諸塞州春田市一號消防水泵車
• 
  馬匹拉動嘅水缸車
• 
  蒸汽泵消防車
• 
  水泵消防車
• 
  雲梯消防車
• 
  掛接式雲梯消防車
• 
  升降台消防車
• 
  台灣消防隊嘅升降台火燭車
• 
  重型搶救車
• 
  危險物品處理組
• 
  流動指揮車
• 
  山地消防車
• 
  1950年代英國皇家空軍轄下嘅Alivis機場消防車
• 
  現代Rosenbauer Pather機場消防隊車
• 
  消防火車
• 
  輕型消防車
• 消防車出動
• 北美消防車警號