架生

架生（粵拼：gaa3 caang1，「生」讀「撐」；英文：tool），原本叫家生，又叫做傢生、架撐、架橕、架罉，或者叫工具，係用嚟幫助完成一件事嘅嘢，架生用機械原理整出來。最基本嘅架生就係簡單機械，例如撬其實係槓杆來嘅。

16 世紀英格蘭人用嘅鬥木架罉

一隻長尾獼猴用嚿石頭嘗試打爛一粒堅果嘅殼。

以前哲學家會認為人先識得用架罉，所就定義人做識用架罉嘅動物。事實上好多動物其實都識得用。後尾又改咗做人係識造架生嘅動物。但動物學家發現雀仔同馬騮都識得整架罉。

家下架罉就唔限於實物，程序、資訊、創意、學習都係改落人自己嘅架罉。

人類學家就認為識得用架生係人演化好重要嘅一步。人演變到可以用手指公來揸架罉，亦有智慧去同架生。

架罉亦都可以變武器，好似鎚仔、西瓜刀同水喉鐵，甚至平時唔似仆到頭爆嘅摺櫈咁。倒返轉頭，武器都可以變工具，好似炸藥咁。

架罉可以指純粹認知上嘅嘢，例如書寫語言，又或者歌手把聲（搵食架罉）。

例子

• 電腦
• 籐條
• 擔挑

動物

睇埋：動物認知

• 烏鴉：烏鴉識得運用架生，例如有研究搵到，有烏鴉會將堅果擺喺馬路上，等經過嘅車車爛堅果嘅殼，然後自己攞嚿堅果食；烏鴉仲曉同同類傳達複雜嘅資訊，例如有研究試過發現，烏鴉能夠認得傷害同攻擊過自己嘅人類，及後仲令到區內其他（冇見過嗰個人嘅）烏鴉同樣學識避開嗰個人－表示烏鴉嘅溝通系統能夠傳達「某個某個人係乜樣」等嘅複雜資訊。

睇埋

• 架生仔
• 智能