火車站

  想搵第二個意思嘅話，請睇火車站 (搞清楚)。

火車站（英文：Train station或者Railway station），舊稱火車頭，係一啲畀火車上落客貨嘅地方。因為火車響鐵路上面行，所以會最少起到畀上落客貨同鐵路有關嘅設施。如果夾埋名來用，就叫車站或者站。

一架倫敦地下鐵到咗伯爵宮站

火車站

德國法蘭克福車站俯瞰景。

荷蘭嘅火車站

每個站理論上都應該可以上落到人同貨，不過家下就少好多呢啲站，通常貨都係留響大站度上落。火車站會起響鐵路側邊，又或者鐵路頭尾，即係火車總站。如果有客上落，通常唔少得有月臺，個臺起得高到等客行得方便啲、安全啲。月臺可能會搭埋好多嘢，好似有行人天橋、行人隧道、路口畀人過路。上面會搭埋個蓋、售票處、長凳。響大站甚至有好多公用嘅建築物同樓。

火車站好多都會報埋班次。等客知到下個站之間有乜變動。

某啲站會夾埋車廠，可以用收起火車，亦都可以幫火車加補充一下，同埋簡單咁整下火車。有時重會有幾條唔同鐵路夾埋一個站，等客可以轉火車去第二度。有時唔單火車，重會同電車、巴士、輕軌鐵路、渡輪、飛機等等夾埋。

設施

• 售票處：賣飛嘅地方
• 月臺

配套設施

• 鋪頭
• 餐廳
• 廁所
• 交通轉運點： 的士站、巴士總站、輪渡碼頭
• 有啲火車站會有購物中心喺附近

睇埋

• 站