舖

舖pou3，粵文亦叫舖頭pou3 tau2、店dim3或者肆si5，係喺一個固定嘅建築物裏面賣嘢嘅地方，唔似小販，唔使怕走鬼，但係要交租，或者要自置物業，皮費貴好多，如果無生意，又唔可以即刻收檔，推去下一個路口，再開檔。

一般情況之下，喺舖買嘢比較信得過，由其係大舖，買錯咗可以返嚟換，唔似得小販咁，唔見咗人就無符。

舖話事嗰個叫舖家。

字

舖古時寫鋪，後尾分別字義，另立以舍爲舖，以別於鋪貼之意。

肆今日多見於食肆，食嘢嘅舖頭。《論語》子張第十九、第七章有講，「子夏曰、百工居肆、以成其事、君子學以致其道。」肆同陳同義，卽係舖裏面，擺貨出來，陳列一番，方便人睇貨買賣。所以舖就叫肆。

而家賣嘢，唔只得啲實實在在，行得入去嘅建築物，互聯網上面都有「鋪頭」，可以買嘢。大嘅有 eBay，Amazon（亞馬遜）、雅虎拍賣網等等。

呢篇零售舖頭文係楔位文。歡迎幫維基百科擴寫佢。