火雞肉

火雞肉係火雞身嘅肉，又係歐洲同美洲經常食嘅肉類，每逢感恩節、聖誕節、大除夕呢類大時大節，佢哋都會燒火雞食。火雞肉同雞肉質感有些少似，但因為脂肪少啲，食落會有啲鞋口。

火雞肉

火雞肉嘅蛋白質含量比其它肉類高，一般人都認為火雞肉比紅肉更健康，因為白肉飽和脂肪含量低，但其實營養差別唔大。有人話食得多火雞肉會令人眼瞓，其實節日大餐成日都有大份量嘅碳水化合物、脂肪同埋酒精，再加上輕鬆嘅氣氛都係造成食飽後嗑眼瞓嘅原因，影響比火雞肉中嘅色胺酸大得多。